التخطي إلى المحتوى الرئيسي
بحث هذه المدونة الإلكترونية
كۆنگره‌يه‌كێ نێڤ ده‌وله‌تى دێ ل دۆر ئێزديان ئێته گرێدان
ئێزديخان نيوز:
باليۆزا ئاشتيێ و رزگاربوويا ئێزدى ناديا موراد دگه‌ل ئه‌حمه‌د خودێدا جێگرێ رێڤه‌به‌رێ جێبه‌جێكارێ رێكخراوا يه‌زدا،ئيرۆ پێنج شه‌مبوويێ 19ئه‌يارێ 2016،چاف ب جێگرێ سه‌رۆك وه‌زيران و وه‌زيرێ ده‌رڤه‌يێ به‌لچيكا كه‌فت،دپه‌راوێزا سميناره‌كێ دا كو ل په‌رله‌مانێ به‌لچيكا هاتبوو گرێدان.
ناديا موراد دياركر،ئه‌ڤ سميناره ل ژێرناڤێ(به‌رێ خۆدان ل سه‌ر ره‌وشا جڤاكێ ئێزدى)بوو كو هاتبوو رێكخستن ژبال كاثرين جادين جێگر سه‌رۆكێ لژنا په‌يوه‌نديێن ده‌رڤه ل په‌رله‌مانێ به‌لچيكا،ديسان رزگاربوويا ئێزدى يا وێره‌ك ئخلاس باجو به‌شدارى دڤێ سمينارێ دا كر.
ناديا موراد ته‌كه‌زكريه ژى هه‌ر دڤێ سمينارێ دا مه چاف ب جێگرێ سه‌رۆك وه‌زيران و وه‌زيرێ ده‌رڤه‌يێ به‌لچيكا كه‌فت،دسميناره‌كێ دا كو ل په‌رله‌مانێ به‌لچيكا هاتبوو گرێدان.
باليۆزا ئاشتيێ راگه‌هانديه ژى وه‌زيرێ ده‌رڤه‌يێ به‌لچيكا ل سه‌ر ئێك ژ داخوازيێن مه رازى بوو ل دۆر گرێدانا كۆنگره‌يه‌كێ نێڤ ده‌وله‌تى يێ تايبه‌ت كو هه‌موو لايه‌نێن نێڤ ده‌وله‌تى به‌شداريێ تێدا بكه‌ن،ژبۆ ڤه‌ديتنا چاره‌سه‌ريێن ريشه‌يى بۆ ئازارێن جڤاكێ ئێزدى،ناڤه‌رۆكا ڤى كۆنگره‌ى ل وه‌خته‌كێ دى دێ راگه‌هينين.
ناديا موراد دياركريه ژى هه‌ر دڤێ سمينارێ دا چاوانيا هنارتنا دۆسه‌يا كۆمكوژيا ئێزديان ئێكسه‌ر بۆ دادگه‌ها نێڤ ده‌وله‌تى ژبال حكوومه‌تا به‌لچيكا ڤه هاته گه‌نگه‌شه‌كرن.
