شانده‌كێ ئێزدى ئازارێن ئێزديان ل پارێزگه‌ها نه‌جه‌ف نيشان دده‌ت
ئێزديخان نيوز:
شانده‌كێ چالاكڤانێن سڤيل يێن ئێزدى ل پارێزگه‌هێن مووسل و دهۆكێ،ئازارێن ئێزديان وئه‌وا ب سه‌رێ ژنێن ئێزدى هاتى ژ سه‌بيكرنێ و پێشلكاريان يێن گرۆپێ داعشێ ل دژى وان ئه‌نجام داين نيشان دان.
ئه‌ڤ نيشان دان هات پشتى شاندى سه‌ره‌دانا باره‌گايێ ده‌زگه‌هێ ئێتيم يا خێرخوازى ل پارێزگه‌ها نه‌جه‌فێ كرى و ديتنه‌ك ل سه‌ر قه‌بارێ دكيۆمێنتێ و ئاماران و به‌رنامان و چالاكيێن دئێنه پێشكێشكرن بۆ چينێن ئێتيم و بێ ژن و ئاواره‌يان وزه‌ره‌رمه‌ندان.
راگه‌هاندنا ده‌زگه‌هێ ئێتيم يا خێرخوازى،دوهى 10ئه‌يارێ 2016 دياركر،نوونه‌رێ شاندێ ئێزديان و چالاكڤانێ سڤيل مه‌يسه‌ر ئادانى گۆت ئه‌م شاندێ ئێزدياينه ژ ده‌ڤه‌رێن ئێزدى لێ ل پارێزگه‌هێن مووسل و دهۆكێ،مه ب چه‌ندين نامه‌يان و ده‌رده‌سه‌ريان ئاراسته‌ى برايان ل وه‌لاتى و مێژوو و شارستانيا شيعه‌يان و مه‌رجه‌عيه‌تا وان يا بلندكرينه دا گرنگيێ ب ئاينێ ئێزديان ب ده‌ن و ئێكگرتنا پێكۆلان،ژبۆ ژنێن ئێزدى ئه‌وێن د ده‌ستێ داعشێ دا و گه‌هاندنا نامه‌يه‌كا رۆن ل سه‌ر يا چێبوويى ژ كۆمكوژييا ئێزديان ل شنگالێ.
