ل سالێن 1974ـ1975 ل سەر چەرخێ جەنەراڵ مەلا مستەفایێ بارزانی وداستانا بزاڤا رزگاریخوازا كوردی ل بنێ قونتیارێن چیایێ گارە و مەتین و هەموو چیایێن كوردستانی دژی رژێما بەعسا دكتاتۆر ب مەرەما چەسپاندنا مافی گەلێ كورد ، هنگی ژی ئێزدی قەت ژوێ داستانێ د بەرژەوەندیا مللەتێ كورد بێ بەهر نەبوون ب هەزاران پشتەڤانیا لۆجستیكی بۆ پێشمەرگەهی پێشكێشكرن ل سەرتاسەری هەموو مەترسی و تەنگاڤیا ژ بلی ژمارەكە گەلەك مەزن ژ خۆرت و زەلامێن ئێزدیان كەفتنە دناڤا رێزێن وان ب ئاوایەكێ زێندی و مل ب ملێ وان خەباتكەرا كەفتنە د شەری دا.
دیسا ل دەمێ رۆخاندنا رژێما ژناڤچۆی یا بەعس ل عێراقێ د سالا 2003 یێ دا، رەوشا عێراقێ پتر دكەفتا دناڤ هەڕی و نەخۆشیا دا و ئاڵۆز بوو ، شەڕێ توندرەویا مللەتان پەیدابوو ، ل وی دەمی ژی گەلەك ژ خەلكێ ژ مەزهەبێ (سوونە ) رەڤیان ژبۆ دەردۆرێن دەڤەرێن ئێزدیان ، ب هەمان ئاوا ئێزدیان هاریكاریا مادی ومەعنەوی ژبۆ وان تەرخانكرن.
