ده‌رگه‌هه‌ك نه‌ما مه نه‌قوتا و چ جهه‌كى خۆ ل مه نه‌كريه خودان
ئێزديخان نيوز:
فلمێ(برينه‌كا شنگالێ)چيرۆكا دوو ئه‌ڤيندارايا دكاره‌ساتا شنگالێ دا،وێ چه‌ندێ ژى ديار دكه‌ت ئه‌و كه‌سێن دار و جينارێ ل خه‌لكێ شنگال خاين بووين و چاوا كچێن ئێزدى دفرۆتن،هه‌روه‌سا چاوانيا پێشوازيكرنا كچێن گرتى پشتى دزڤرن ژ ئاليێ جڤاك وزه‌لامێن ئۆلى يێن ئێزديان ڤه‌يه،ده‌رهێنه‌رێ فلمى ژى دبێژت ساله‌ك ده‌ربازبوو ده‌رگه‌هه‌ك نه‌ما مه نه‌قوتايى كو فلم ژ ده‌رڤه‌ى ده‌ڤه‌رێن ئێزديان بێته نيشاندان،لێ چ جهه‌كى خۆ ل مه نه‌كريه خودان.
سفيان دلكانى،ده‌رهێنه‌رێ فلمێ(برينه‌كا شنگالێ)يه بۆ مالپه‌رێ ئێزديخان نيوز ئاشكه‌راكر:چيرۆكا ڤى فلمى يا دوو ئه‌ڤيندارايه دفه‌رمانێ دا كچ دكه‌فته ده‌ستێ داعش و خۆرت دبه شه‌رڤان ل شنگالێ،ديسان وێ چه‌ندێ ژى ديار دكه‌ت ئه‌و كه‌سێن دار و جينارێ ل خه‌لكێ شنگال خاين بووين و چاوا كچێن ئێزدى دفرۆتن،هه‌روه‌سا چاوانيا پێشوازيكرنا كچێن گرتى پشتى دزڤرن ژ ئاليێ جڤاك وزه‌لامێن ئۆلى يێن ئێزديان ڤه‌يه،ئه‌ڤه ساله‌ك بۆرى ده‌رگه‌هه‌ك نه‌ما مه نه‌قوتايى ژ بۆ ئه‌ڤ فلم بێته نيشاندان ژ ده‌رڤه‌ى ده‌ڤه‌رێن ئێزديان،لێ چ جهه‌كى خۆ ل مه نه‌كريه خودان.
دلكانى خوياكرژى كۆمه‌كا گه‌نجێن شنگالێ يێن خۆبه‌خش و حه‌زا ئه‌كته‌ريێ ل نك هه‌يه ب كارێ چێكرنا ڤى فلمى رابووينه،چيرۆكا فلمى ژلايێ(ماهرشنگال) هاتيه دروستكرن و سيناريۆ و ده‌رهێنان ژبال من ڤه بوويه.
ده‌رهێنه‌رێ ئه‌و چه‌نده ژى ئاشكه‌راكر:ئه‌گه‌ر ده‌رهێنه‌ر و ئه‌كته‌رێن فلمى نه ئێزدى بان دێ فلم ل ڤيسته‌ڤالان هاتبا نيشاندان و پشته‌ڤانيه‌كا باش لێ هاتبا كرن.
سفيان دلكانى گۆتژى من دخوازت ئه‌ف فلم ل هه‌ر پارێزگه‌هه‌كا كوردستانێ هاتبا نيشاندان،ديسان ئه‌گه‌ر يێ ژ هه‌ژى بت ل ڤيسته‌ڤالا بێته وه‌رگرتن.
