دكۆنگره‌يه‌كى دا ل هه‌ولێرێ چه‌ندين پرۆژه بۆ ناوچه‌يا سنوونێ هاتنه پێشكێشكرن
ئێزديخان نيوز:
ل سه‌ر داخوازناما رێكخراوا نيشا يا گه‌نجان و ب چاڤدێريا سه‌رۆكێ جڤاتا پارێزگه‌ها مووسلێ،ل پارێزگه‌ها هه‌ولێرێ كۆنگره‌يه‌ك ل دۆر هه‌ماهه‌نگيێ دناڤبه‌را حكوومه‌تێن نافخۆيى يێن ده‌ڤه‌رێن رزگاركرى و رێكخراوێن نێڤ ده‌وله‌تى و كونسليا و ئاژانسێن نێڤ ده‌وله‌تى و نافخۆيى هاته گرێدان.
ئلياس خدر،سه‌رۆكێ جڤاتا ناوچه‌يا سنوونێ راگه‌هاند،دچارچۆڤه‌يێ به‌شداريا خۆدا دڤى كۆنگره‌يى دا،ده‌نگێ خه‌لكێ شنگالێ و ب تايبه‌ت يێ سنوونێ من گه‌هاندن،ديسان چه‌ند پرۆژه و پێشنياز پێشكێشى وان كرن كو دێ خزمه‌تا خه‌لكى و جڤاكى ل سنوونێ و گوند و كۆمه‌لگه‌هێن گرێدايى وێ كه‌ن.
سه‌رۆكێ جڤاتا ناوچه‌يا سنوونێ دايه دياركرن ژى كو ئه‌ڤ كۆنگره ل سه‌ر داخوازناما رێكخراوا نيشا يا گه‌نجان و ب چاڤدێريا سه‌رۆكێ جڤاتا پارێزگه‌ها مووسلێ،ل پارێزگه‌ها هه‌ولێرێ هاته گرێدان.
