التخطي إلى المحتوى الرئيسي
بحث هذه المدونة الإلكترونية
بنگه‌هێ لالش:جه‌ژنا مه رزگاركرنا گرتی وئێخسیرێن ده‌ستێ داعشێ يه
ئێزديخان نيوز:
ئه‌ڤه سالا دوويێ يه جه‌ژنا سه‌رێ سالێ دئێتن،وپتریا
خه‌لكێ مه د دهربهدهریێ و كۆچبه‌ریێ دا دژین، وب هه‌زاران ژن وزارۆك وزه‌لامێن ئێزدیان
دگرتینه، وب هه‌زاران وندابوويی وڤه‌شارتینه دگۆرێن ب كۆم ده ل ده‌ڤه‌را باشورێ شنگالێ پشتی داگیركرنا وێ ژلایێ چه‌تێن داعشێن هۆڤانه وتیرۆرست.
ئه‌م رادگه‌هینن كو چوشێوێن
ئاهه‌نگ گێرانێ نائێنه كرن دڤێ جه‌‌ژنێدا،چونكو خۆشی ناكه‌فته دلێن برینداروپرئێش
ژبه‌ر ونداكرنا خۆشتڤیێن خوه،وجه‌ژنا مه یا ژراستی ئه‌وه رزگاركرنا ده‌ڤه‌رێن مه یێن
ماین ژشنگال،وهه‌ردووباژیرێن باشیكێ وبه‌حزانێ ب شێوه‌يه‌كی گشتی،وجه‌ژنا مه یاهه‌ره مه‌زن
ئه‌وه ده‌ما رزگاركرنا گرتی وئێخسیرێن مه ژده‌ستێ داعش،كودبتن هنده‌ك گرنژینێ بزڤرینته
دلێن دایكێن دلشكه‌ستی وهه‌موو ئێزدیان چی يێن دكه‌مپێن دهربهدهریێ دا یان ژی یێ ژناچاری
كۆچی ده‌رڤه‌ی وه‌لاتی بووین ژبه‌ر گیرۆبوونا رزگاركرنا ده‌ڤه‌رێن وان وسه‌برا وان
نه‌مایی وبێ ئومێدیا وان ژبه‌ربلندبوونا ئاستێ هزرا ته‌كفیری وتوندره‌و ل هه‌موو رۆژهه‌لاتا
ناڤه‌راست.
بێشك،ئه‌ڤ هه‌ستێن بێ هیڤیێ نابت وه‌ل مه بكه‌ن ئه‌م
بێئۆمێد بن وده‌ستده‌ینن به‌رامبه‌رپیلانێن دوژمنێن ژیانێ ومروڤایه‌تیێ.
له‌وما ئه‌م
داخوازێ ژسه‌ركردایه‌تیا هه‌رێما كوردستانێ یا پایا بلند دكه‌ین له‌زاتیێ بكه‌ن ژبۆ رزگاركرنا
ئه‌و ده‌ڤه‌رێن مه یێن مایین،ودانانا پلانێن تایبه‌ت ژبۆگرنتیكرنا وان دپاشه‌رۆژێ
دا ژبۆ ئه‌وا ب سه‌رێ مه‌هاتی ل ته‌باخا ٢٠١٤ دوباره نه‌بت جاره‌كه دن،هه‌روه‌سا دانانا
پلانێن پێتڤی ژبۆ ئاڤه‌دانكرنا وان ده‌ڤه‌ران،وكاركرن ب جدی ژبۆبێلایه‌نیكرنا كه‌یسا
ده‌ڤه‌رێن مه،چ ب رێیا مادا ١٤٠ ژده‌ستورا عیراقێ یافیدرالی یان ب هنده‌ك رێيێن دنێن یاسایی،ژبۆب
دوماهی ئینانا نه‌خۆشی وئازارێن خه‌لكێن مه،وگرتنا رێ ل به‌ر وان كه‌سێن دڤێن بازرگانیێ
ب ئێش وخوونا مه بكه‌ن،وهه‌ولددن ده‌ستهه‌لاتا خوه ل ده‌ڤه‌رێن مه بنه‌جه بكه‌ن،كوئه‌ڤه
رامانا وێ هندێ دده‌تن ده‌ڤه‌رێن مه ئارامیا سیاسی ب خۆڤه نابینن بۆماوه‌یه‌كی درێژ.
وبڤێ هه‌لكه‌فتێ،ئه‌م سوپاسیێن خوه نو دكه‌نه ڤه
بۆگه‌ل وسه‌ركرداتیا هه‌رێما كوردستانێ ژبۆ وان هاریكاریێن مادی ومه‌عنه‌وی یێن پێشكێشی
٤٠٠هه‌زار ئاواره‌یێن ئێزدی كرین وئه‌م هیڤی دكه‌ن هه‌موو جۆرێن هاریكاریێ دبه‌رده‌وامبن
بۆخه‌لكێ مه،دگه‌ل وێ هندێ كوهه‌رێم یادكریزه‌كه دارایییا مه‌زن را دربازدبیت ژبه‌ربرینا بودجه‌يا وێ ژلایێ حكوومه‌تا ناڤه‌ندی ل به‌غدایێ، دیسان ئه‌م داخوازێ ژجڤاكا نیڤ
ده‌وله‌تی دكه‌ن كه‌یسا گرتیێن مه ل ده‌ستێ تیرۆرستێن هۆڤانه‌یێن داعش دا نێته پشتگۆهاڤێتن،وكارب جدی
بێته‌كرن ژبۆ قورتالكرنا وان.وهیڤی خوازین ئه‌م ل سالا بێت جه‌ژنێ بگێرین وهه‌موو
ده‌ڤه‌رێن مه هاتبنه رزگاركرن،وتیرۆرستێن هۆڤانه‌یێن داعش تێكچۆبن وب ئێك جاری ب نبرببن.
هه‌روه‌سا ئه‌م هیڤییا ژیه‌كی درێژ بۆسه‌رۆك بارزانی دخوازین ژبۆب ده‌ستڤه ئینانا پیشكه‌فتنێ
وئارمانجێن گه‌لێ كوردستانێ دسه‌رخوه بوونێدا كو ئه‌ڤه مافه‌كێ ره‌وایه لدیف هه‌موو
یاسایێن نێڤده‌وله‌تی،وسه‌رۆك بارزانی هیڤیا مه‌یه ژبۆئاڤاكرنا كوردستانه‌كه ب هێزو ته‌نا
كوهه‌موو پێكهاتێن وێ ب براینی وته‌بایی وپه‌یوه‌ندیێن مرۆڤایه‌تیێ موكوم پێكڤه‌بژین،كوئه‌ڤه
ئارمانجا مه هه‌مووانه، ویافه‌ره ب ڤێ هه‌لكه‌فتێ ئه‌م سوپاسیێن خوه ئارسته‌ی پێشمه‌رگێن
قه‌هرمان وهه‌ركه‌سه‌كێ شه‌رێ تیرۆرستێن داعش بكه‌ت بكه‌ین، ره‌حما خودێ ل شه‌هیدێن
مه وشه‌هیدێن پێشمه‌رگه‌ی بن،وسه‌ره‌خۆشیێ ل كه‌س وكارێن وان هه‌موويان دكه‌ن.
ده‌سته‌یا بلندا بنگه‌هێ لالش يێ ره‌وشه‌نبیری
وكۆمه‌لایه‌تی
١٩نیسانێ٢٠١٦
