ئێزديخان نيوز:
رێكخراوا يه‌زدا و چالاكڤان ناديا موراد ل هه‌يڤا شووباتێ 2016،رابوون ب ئه‌نجامدانا چه‌ندين ديداران لگه‌ل حكوومه‌تا فه‌ره‌نسى و جڤاتا پيران يافه‌ره‌نسى،ژبۆ لڤاندنا دۆسه‌يا كۆمكوژيا ب كۆم يا ئێزديان.
موراد ئسماعيل،سه‌رۆكێ جڤاتا كارگێريا رێكخراوا يه‌زدا راگه‌هاند،پشتى سه‌ره‌دانێ كۆمه‌ك ژ هه‌شت په‌رله‌مانتاران رابوون ب هنارتنا نامه‌يه‌كێ بۆ سه‌رۆكێ كۆمارا فه‌ره‌نسى،دوێ نامێ دا ئه‌وا ئێزدى تووشبووينێ دانه رۆنكرن و چه‌ند داخوازيێن يه‌زدا پێشكێشكرن،سه‌رۆكێ به‌رسڤ ل سه‌ر وێ نامێ دا و هه‌لويستێ فه‌ره‌نسى يێ پشته‌ڤان ل راستا كێشا ئێزديان رۆنكر،دنامێ دا خويايه و ژ وێ سۆزدايه ب دووباره كاراكرنا پرۆگرامێ دووباره ئاكنجيكرنا ئێزديان ل فه‌ره‌نسا.
زێده‌تر گۆت:نۆكه يه‌زدا رابوويه ب پێكئينانا تيمه‌كا لۆبى(هه‌ڤالێن يه‌زدا ل فه‌ره‌نسا)ئه‌ڤ تيمه و رێكخراوێن پشته‌ڤان يێ كاردكه‌ن ل سه‌ر نڤيسينا پرۆژه ياسايه‌كێ ل جڤاتا پيران بۆ برياردانێ ل سه‌ر كۆمكوژيا ئێزديان،ديسان پرۆژه دێ داخوازێ ژ حكوومه‌تا فه‌ره‌نسى كه‌ت بۆ برنا دۆسه‌يێ بۆ دادگه‌ها نێڤ ده‌وله‌تى.
ئه‌و چه‌نده ژى ئاشكه‌راكر:يه‌زدا بۆ جڤاكێ ئێزدى دووپات دكه‌ت،كو ئه‌و ده‌ست ژكێشا ئێزديان به‌رناده‌ت هه‌تا كو ژ كۆمكوژيێ قورتال دبن،سه‌لماندنا كۆمكوژيێ ب قانونى و نێڤ ده‌وله‌تى،قه‌ره‌بووكرنا قوربانيان.
