التخطي إلى المحتوى الرئيسي
بحث هذه المدونة الإلكترونية
گرۆپه‌كى ئێزديان ل ئه‌لمانيا هاته دامه‌زراندن و دێ كار ل سه‌ر كێمكرنا نه‌ختى كه‌ت
ئێزديخان نيوز:
گرۆپێ بۆچۆنێن جڤاكا ئێزديان،كوژ كۆمه‌كا گه‌نجێن ئێزدى ل هه‌موو وه‌لاتێن ئه‌وروپى پێك دئێت ل ئه‌لمانيا هاته دامه‌زراندن،دئێكه‌م پێنگاڤێ دا كو دێ كار ل سه‌ر كه‌ت كێمكرنا نه‌ختى(قه‌له‌ن)ييه.
سفيان دلكانى،ئێك ژ ئه‌ندامێن گرۆپى يه بۆ مالپه‌رێ ئێزديخان نيوز گۆت:ئه‌م وه‌كو(گرۆپێ بۆچۆنێن جڤاكا ئێزديان) كو پێك دئێن ژ كۆمه‌كا گه‌نجێن ئێزدى ل هه‌موو وه‌لاتێن ئه‌وروپى،مه‌ره‌ما مه يا سه‌ره‌كى ئه‌وه كو ئه‌م خۆ ل داب و نه‌ريتێن ئێزديان بكه‌ن خودان چ يێن جڤاكى يان ژى يێن ئاينى بن،گرۆپ به‌رى هه‌يڤه‌كێ ل ئه‌لمانيا هاته دامه‌زراندن،ئێكه‌م پێنگاڤا مه‌يا كو ئه‌م ده‌ست پێ بكه‌ن بابه‌تێ كێمكرنا نه‌ختى(قه‌له‌ن)ييه،بۆ هندێ ميرێ ئێزديان و جڤاتا رۆحانى و بابا شێخ تشته‌كى بكه‌ن،ژبه‌ركو دڤێ قۆناغا نۆكه يا ئه‌م ئێزدى تێرا ده‌رباز دبن ئاستێ ئابووريێ گه‌نجێن مه يێ لاوازه.
دلكانى ته‌كه‌ز كر ب ديتنا مه ئه‌گه‌ر ئه‌ڤ چه‌نده ئانكو بابه‌تێ كێمكرنا نه‌خت(قه‌له‌ن)ى نێته چاره‌سه‌ركرن،دێ ب خرابى بۆ جڤاكا ئێزديان ڤه‌گه‌رت،دێ بته ئه‌گه‌ره‌ك كو گه‌نجێن ئێزدى ژسنوورێ ئێزدياتيێ ده‌ربكه‌ڤن و به‌رێ خۆ بده‌ته كچه‌كا دى ئانكو نه ژ ئاين يان ملله‌تێ وى بت.
ئه‌ندامێ گرۆپى گۆتژى ب ديتنا مه گهۆرين ب ڤى شێوه‌ى بت باشتره:كێمكرنا نه‌ختى 7000يۆرۆيا بۆ3000يۆرۆيان بت،كرينا زێرى ل دووڤ پێچێبوونا مالا كورى بت،هه‌روه‌سا ره‌ڤاندن ژى ب هه‌مان شێوه بت.
