ل وه‌لاتێ ئه‌لمانيا كۆما 74يا ئێزديان فلمه‌ك بناڤێ(ئێزديا من)چێكر،ناڤه‌رۆكا فلمى به‌حسێ بوويه‌رێن كاره‌ساتا شنگالێ دكه‌ت،ب تايبه‌ت وان ئێش و ئازارێن ب سه‌رێ ئێزديان هاتين تێدا ديار دكه‌ن.
سه‌باره‌ت دروستكرنا فلمى هه‌لبه‌ستڤان(سيروان خانكى)بۆ مالپه‌رێ ئێزديخان نيوز دياركر،كۆما 74فلمه‌كى بناڤێ(ئێزديا من)ل وه‌لاتێ ئه‌لمانيا دروست دكه‌ن و ناڤه‌رۆكا ڤى فلمى هه‌موو وان بوويه‌ر و ئێش و ئازار و ئاواره‌بوونا خه‌لكێ و ده‌رده‌سه‌ريا دناڤ كاره‌ساتا دلته‌زينا شنگالي دا هاتيه ديتن ب خۆڤه دگرت،هه‌روه‌سا ئه‌كته‌رێن فلمى هنده‌ك كچ و خۆرتێن ئێزديانه پتريا وان ئه‌و كچێن ژ ده‌ستێ داعشێ رزگاربووينه و سه‌ر ب كۆمێ ڤه‌نه،ئه‌ندامێن كۆمێ ژى ژ چه‌ند كچ و خۆرتێن ئێزديان پێكدئێت و كارو ئارمانجا وان خزمه‌تكرنا ئێزدياتيێ و ئێزديانه.
خانكى دووپاتكر،ئه‌ڤ فلمه ل باژارێ هانۆڤه‌ر ل ئه‌لمانيا دئێته چێكرن و ژبه‌رهه‌مێ كۆما 74و ژنڤيسين و ده‌رهێنه‌ريا(جه‌مال خه‌مۆ)يه و وێنه و ڤيديۆ(شێخ عه‌لى)يه و مونتاژ(عه‌بدولعه‌زيز)ه و مۆزيك(ئيڤان باعه‌درى) و ئه‌ڤ كاره هه‌موو ل ستۆديا ئونستۆديۆ ل باژێرێ هانۆڤه‌ر بێ به‌رامبه‌ر دئێته ئه‌نجامدان.
سيروان خانكى دازانين من ژى وه‌ك هه‌لبه‌ستڤان ب دوو هه‌لبه‌ستێن خۆ بناڤێ(ئێزديا من) و (رابه ئێزديۆ) به‌شدارى دناڤا ڤى فلمى دا كريه.
