التخطي إلى المحتوى الرئيسي
بحث هذه المدونة الإلكترونية
قايممقامێ شنگالێ:به‌غدا داخوازيێن مه جێبه‌جێ ناكه‌ت
ئێزديخان نيوز:
قايممقامێ شنگالێ دبێژت،چه‌ندين جارا داخوازى مه ئاراسته‌ى حكوومه‌تا عێراقێ كرينه،به‌لێ هه‌تا نۆكه چوو جێبه‌جێنه‌كرينه،هۆكارى ژى بۆ كوردبوونا ئێزديان ڤه‌دگه‌رت.
مه‌حماخه‌ليل،قايممقامێ قه‌زا شنگالێ ب مالپه‌رێ فه‌رمى يێ پارتى ديموكراتى كوردستان راگه‌هاند،سه‌باره‌ت ب شنگال،سێ داخوازى مه كرينه،ژ وان ئاڤه‌دانكرنا شنگال،هه‌لدانا گۆرێن ب كۆم و ئازادكرنا ناوچه‌يێن دى يێن شنگال،حكوومه‌تا هه‌رێما كوردستانێ پێنگاڤ بۆ ڤێ مه‌به‌ستێ هه‌ينه،نۆكه چاڤه‌رێ دكه‌ين داخوازيێن مه بێنه جێبه‌جێكرن.
خه‌ليل گۆتژى هه‌تا نۆكه وه‌ك ئيدارا شنگال چه‌ندين جارا داخوازيێن خۆ مه بۆ حكوومه‌تا عێراقێ بلندكرينه،ل دۆر ئاڤه‌دانكرنا شنگال،به‌لێ هه‌تا نۆكه هيچ داخوازيه‌كا مه نه‌هاتيه جێبه‌جێكرن.
قايممقامێ قه‌زا شنگالێ رۆنكرژى هۆكارێ جێبه‌جێنه‌كرنا داخوازيێن مه ژلايێ حكوومه‌تا عێراقێ ڤه،بۆ هندێ ڤه‌دگه‌رت كو ئه‌م كوردين،ئه‌ڤه‌ش تاكه هۆكاره.
ئه‌ڤه‌ش د ده‌مه‌كى دايه هه‌تا نۆكه باژێرێ شنگالێ ژ روويێ ئيدارى ڤه سه‌ر ب پارێزگه‌ها مووسلێ ڤه‌يه،ئه‌و پاريزگه‌يه ئێكه ژ پارێزگه‌يێن عێراقێ و پێدڤى يه به‌غدا هاريكاريا شنگال بكه‌ت،به‌لێ تا نۆكه هيچ هاريكاريه‌ك نه‌كريه.
