پشتى په‌رله‌مانێ عێراقێ درونشتنا خۆ يا 2/4/2016 دا پارێزگه‌ها ئه‌نبارێ ب ده‌ڤه‌ره‌كا وێرانكرى دايه دياركرن و شنگال ب ده‌ڤه‌ره‌كا وێرانكرى نه‌هه‌ژمارتى،جڤاتا قه‌زا شنگالێ ب فه‌رمى داخوازا رۆنكرنێ ژ په‌رله‌مانى دكه‌ت.
وه‌يس نايف،سه‌رۆكێ جڤاتا قه‌زا شنگالێ د داخويانيه‌كێ دا بۆ مالپه‌رێ ئێزديخان نيوز گۆت:ئه‌ڤ برياره نه‌يا سه‌يره ل سه‌ر حكوومه‌تێن عێراقێ يێن ده‌ڤه‌رێن كوردستانى يێن ده‌رڤه‌ى هه‌رێمێ پشتگۆهاڤێتين،زيانا ب شنگالێ كه‌فتى و كۆمكوژيا ب كۆم يا خه‌لكێ وێ تووشبوويێ و گرتن و سه‌بيكرن،وه‌ك داخه‌كا شه‌رمه‌زاريێ يه ل ئه‌نيا وان كه‌سێن خاپاندنكار و دوو روو.
سه‌رۆكێ جڤاتا قه‌زا شنگالێ راگه‌هاند ژى ل سه‌ر بريارا په‌رله‌مانێ عێراقێ بۆ هژمارتنا پارێزگه‌ها ئه‌نبارێ ب ده‌ڤه‌ره‌كا وێرانكرى و شنگال ب ده‌ڤه‌ره‌كا وێرانكرى نه‌هه‌ژمارتى،وه‌ك جڤات مه ب فه‌رمى داخوازا رۆنكرنێ ژ په‌رله‌مانى كريه.
