بريارا جڤاتا نوونه‌رێن عێراقێ يا دياركرنا ده‌ڤه‌رێن وێرانكرى شه‌رمه‌زاركر
ئێزديخان نيوز:
رێڤه‌به‌رييا گشتى يا كاروبارێن ئێزديان داوى بريارا جڤاتا نوونه‌رێن عێراقێ يا دياركرنا ده‌ڤه‌رێن وێرانكرى شه‌رمه‌زاركر و داخواز كر شنگال و ده‌شتا مووسلێ وه‌ك ده‌ڤه‌رێن وێرانكرى بێنه هژمارتن.
رێڤه‌به‌رييا گشتى يا كاروبارێن ئێزديا دبه‌يانه‌كێ دا كو دانه‌يه‌كا وێ ب ده‌ست ئێزديخان نيوز كه‌فتيه،راگه‌هاند:هه‌ژمارتنا پارێزگه‌ها ئه‌نبار وه‌ك ده‌ڤه‌ره‌كا وێرانكرى و پشتگۆهاڤێتنا شنگال و ده‌شتا مووسلێ،نيشانا دورووتييا جڤاتا نوونه‌رێن عێراقێ يه،ژبه‌ركو شنگال تا نۆكه باژێره‌كى وێرانه،تا نۆكه داعش بازرگانيێ ب كچ و ژنێن ئێزديان دكه‌ت و تاوانێن گه‌له‌ك دژوار و هۆڤانه ل وێده‌رێ هاتينه كرن.
رێڤه‌به‌ريێ دبه‌يانا خۆ دا داخواز ژ ئه‌ندامێن جڤاتا نوونه‌ران كر،داخوازييه‌كێ پێشكێشى سه‌رۆكاتييا جڤاتا نوونه‌ران بكه‌ن و شنگال و ده‌شتا مووسلێ وه‌ك ده‌ڤه‌رێن وێرانكرى بێنه هژمارتن.
