(ميشايێ سۆره‌ن)خه‌لكێ وه‌لاتێ رووسيايه و د ديداره‌كێ دا بۆ رۆژنامه‌يا ئه‌ڤرۆ گۆت:ئه‌ز و مالباتا من ل سالا 1997ژئه‌رمه‌نستانێ چۆينه رووسيايێ ل باژێرێ(نۆڤۆكوسنزيك)ئاكنجى بووين و ل ڤى باژێرێ من ده‌ست ب ياريا كيك بوكسێ كريه ب سه‌په‌رشتيا راهێنه‌ره‌كى مه‌زنێ ڤێ وه‌لاتى ب ناڤێ(نيكۆلاس ساليخۆڤ) و هه‌تا نۆكه يێ به‌رده‌وامم.
بوكسفانێ ئێزدى گۆتيه ژى ل سالا 2007بوومه قاره‌مانێ لاوێن رووسيا و ئه‌وروپا و ل سالا 2010جاره‌كا دى بوومه قاره‌مانێ ئه‌وروپا،ل سالا 2011و2013 بوومه قاره‌مانێ جيهانێ ول سالا 2012من پشكدارى دئۆلۆمپياتێن له‌نده‌نێ دا كر و مه‌داليا برونزى من ب ده‌ست ڤه ئينا.
زێده‌تر گۆتيه ژى كو ئه‌و نۆكه يێ خۆ به‌رهه‌ڤ دكه‌ت بۆ ئولومپياتێن به‌رازيل و ب ئۆمێدم دێ ڤێ جارێ مه‌داليا زێرى ب ده‌ست ڤه‌ئينم.
(ميشايێ سۆره‌ن) ل 23ته‌باخا 1988ێ ل گوندێ بامباكاشات ل ئه‌رمه‌نستانێ هاتيه سه‌ر دنيايێ و ل سالا 1997چۆيه رووسيايێ و ژ مالباته‌كا كوردێن ئێزدى يه.
