وه‌زيره‌كا فه‌ره‌نسى دلسۆزيا خۆ دگه‌ل ئازارێن ژن و كچان ل ده‌ڤه‌رێن ململانێ راگه‌هاند
ئێزديخان نيوز:
(ناديا
موراد)ل پاريسێ چاف ب(لورينس روزيكال)وه‌زيرا كاروبارێن ژنان ل وه‌لاتێ
فه‌ره‌نسا كه‌فت،د ديداره‌كێ دا ڤێ وه‌زيرێ دلسۆزيا خۆ دگه‌ل ئازارێن ژنان و
كچان ل ده‌ڤه‌رێن ململانێ لێ هه‌يى راگه‌هاند.
ئيرۆ 18شووباتێ 2016كچا ئێزدى(ناديا موراد) راگه‌هاند كو وێ چاف ب(لورينس روزيكال)وه‌زيرا كاروبارێن ژنان ل وه‌لاتێ فه‌ره‌نسا كه‌فتيه و د ديداره‌كێ دا وه‌زيرا كاروبارێن ژنان دلسۆزيا
خۆ دگه‌ل ئازارێن ژنان و كچان ل ده‌ڤه‌رێن ململانێ لێ هه‌يى دياركر و ب
تايبه‌ت نه‌خۆشيا ژن و كچێن ئيخسير كرى و ئه‌وێن رزگاربووين ژى.
ژلايه‌كى
ديڤه كچا ئێزدى راگه‌هاند،ئه‌م ب هيڤى نه كو فه‌ره‌نسا ب شێوه‌يه‌كى
سه‌ركردانه ره‌فتاره‌كا ب هێز بكه‌ت ژبۆ پاراستن و به‌رگريكرن ژ ژن و
زارۆكان و جڤاكێن دنالن ژ چه‌وساندنێ.
