دڤى بياڤى دا سه‌رۆكێ جڤاتا پارێزگه‌ها نه‌ينه‌وا نامه‌كا تايبه‌ت بۆ په‌رله‌مانێ ئه‌وروپا هنارت و ئه‌ڤه ده‌قێ وێ نامێ يه:
بۆ/ سه‌رۆكاتيا په‌رله‌مانێ ئه‌وروپا يێن به‌رێز.
ب/خۆشحالى ب خۆشحاليه‌كا مه‌زن و گرنگ بريارا وێره‌كا هه‌وه يا رۆژا پێنج شه‌مبوويێ يا بۆرى رێككه‌فتى(4/2/2016)ل دۆر رسواكرنا گونه‌هباريا كريارێن داعشێ ل عێراقێ و ب تايبه‌تى دده‌رهه‌قێ پێكهاتێن ئێزدى و كريستيانان و پێكهاتێن دى ژى گه‌هشته‌مه،ئه‌و كريار ب كريارێن دژى مرۆڤايه‌تيێ هاتينه هه‌لسه‌نگاندن وه‌ك تاوانێن شه‌رى هاتيه هژمارتن،ئه‌ڤه ژى كارتێكرنه‌كا ئه‌رێنيا مه‌زن ژئاليێ مه‌عنه‌وى و مرۆڤايه‌تى ڤه بۆ هه‌موو زه‌ره‌رمه‌ند و زيانكه‌فتيێن كريارێن دورندێن داعشێ دێ هه‌بت.
مه دڤێت بێژينه هه‌وه،جڤاتا مه ژ ده‌ستپێكا ئه‌نجامدانا وان گونه‌هباريان ژئاليێ داعشێ ڤه،كۆمبوون وبرياره‌ك ل دۆر جينۆسايدكرنا ئێزديان ل شنگالێ و كۆمكوژيا وانا دان.
ب ڤێ هه‌لكه‌فتێ ئه‌م سوپاسيا بزاڤێن هه‌موو ئاليێن په‌يوه‌نديداردكه‌ين كو ب شێوه‌يه‌كى راستى پشته‌ڤانيا مافێن مرۆڤى دكه‌ن بۆ دكيۆمێنتكرنا وان گونه‌هباريان و كار ژبۆ تۆماركرنا وێ كێشێ و ئه‌م دووپات دكه‌ين ئه‌م دێ به‌رده‌وام بين ل سه‌ر بزاڤێن خۆ،ژبۆ ب ده‌ست ڤه ئينانا قه‌ره‌بووكرنا هه‌موو كه‌سێن زيان پێكه‌فتى ژ قه‌ره‌بووكرنا مادى يان مه‌عنه‌وى بت ب هاريكاريا هه‌موو بزاڤێن مرۆڤايه‌تى.
جاره‌كا دى ئه‌م دووپات دكه‌ين كو دڤێت بزاڤێن نێڤ ده‌وله‌تى دڤێت دبه‌رده‌وام بن ل دۆر دادگه‌هكرن و سزادانا گونه‌هبارێن ڤان تاوانان دژى وه‌لاتيێن ناڤخۆيى و بيانى،و هه‌موو سه‌ره‌ده‌ريێن قانوونى يێن پێدڤى دژى هه‌رلايه‌نه‌ك و ئاليه‌كى بێنه وه‌رگرتن يێن پشكداريه‌كا راسته‌وخۆ يان نه‌راسته‌خۆ دهاريكارى و پشته‌ڤانيا رێكخراوا تيرۆرێ دا كرين.
هه‌روه‌سا خۆشحاليا خۆ هه‌مبه‌رى بريارا ده‌ستنيشانكرنا نوونه‌ره‌كێ تايبه‌ت و به‌رده‌وام بۆ ئازاديا ئۆل و ئاين و باوه‌ريان ب مه‌ره‌ما هندێ كو ل پاشه‌رۆژێ دا جاره‌كا دى ئه‌و كاره‌سات دووباره نه‌بن.
دڤێت سوپاسيه‌كا گه‌رم و بێ سنوور ئه‌م ئاراسته‌ى هه‌وه بكه‌ين ،هيڤيدارين ئه‌و بريار ببته دانپێدانه‌كا فه‌رمى ژئاليێ نه‌ته‌وه‌يێن ئێكگرتى ڤه،كو ئه‌وا ب سه‌رێ پيكهاته‌يا ئێزدى هاتى كومكوژيه گونه‌هباريا دژى مرۆڤايه‌تيێ يه و گونه‌هباريه و تاوانا شه‌ريه،پاشى هه‌موو وه‌لاتى پێگرى ب كريارێن پێدڤى دژى ئه‌ندامێن رێكخستنا تيرۆرى ل هه‌ر جهه‌كێ هه‌بت بكه‌ن.
