التخطي إلى المحتوى الرئيسي
بحث هذه المدونة الإلكترونية
ڤيان ده‌خيل بۆ باليۆزا سويدێ:ئاواره پێدڤى هاريكاريێن مرۆڤى نه
ئێزديخان نيوز:
(ڤيان ده‌خيل)په‌رله‌مانتارا ئێزدى ل ئه‌نجوومه‌نێ نوونه‌رێن عێراقێ،ئيرۆ رۆژا دووشه‌مبوويێ،چاف ب (ئاناكا هيلكرين)باليۆزا وه‌لاتێ سويدێ ل عێراقێ كه‌فت،دهه‌ڤديتنه‌كێ دا هه‌ردوو ئاليان به‌حسێ هه‌ڤركيێن قۆناغا داهاتى پشتى داعشێ ل عێراقێ كرن،ب تايبه‌ت ژى ل دڤه‌رێن هاتينه رزگاركرن ژ ده‌ستێ تيرۆرستان.
نڤيسينگه‌ها راگه‌هاندنا په‌رله‌مانتار(ڤيان ده‌خيل)ئاشكه‌راكر:ئيرۆ8شووباتێ 2016،(ڤيان ده‌خيل)چاف ب (ئاناكا هيلكرين)باليۆزا وه‌لاتێ سويدێ ل عێراقێ كه‌فت و هه‌ردووكان به‌حسێ هه‌ڤركيێن قۆناغا داهاتى پشتى داعشێ ل عێراقێ كرن،ب تايبه‌ت ژى ل دڤه‌رێن هاتينه رزگاركرن ژ ده‌ستێ تيرۆرستان،ژبال خۆ ڤه ده‌خيل دووپات ل رۆلێ سويد كر بۆ گه‌هاندنا هاريكاريێن مرۆڤايه‌تى بۆ ئاواره‌يان و رژدى ل وێ چه‌ندێ كر كو يا پێدڤيه ل سه‌ر ڤى كارى يا به‌رده‌وام بت ژبه‌ر پێدڤيا ئاواره‌يان ب هه‌موو شێوه‌يێن هاريكاريێن مرۆڤايه‌تى و ساخله‌ميێ.
هه‌روه‌سا(ڤيان ده‌خيل) زێده‌تر گۆت:پێدڤيه ته‌كه‌زى ل سه‌ر بابه‌تێ رزگاربوويان ژده‌ستێ داعشێ و هاريكاريكرنا قوتابيان بێته‌كرن،زێده‌بارى گرنگى دان ب قوتابخانه‌يان،ديسان ته‌كه‌زيێ ل مه‌رجێن ل سه‌ر كۆچبه‌ران هاتينه سه‌پاندن بۆ سويدێ بێنه سڤكرن و ئاسانكارى بۆ كاروبارێن وان بێنه كرن.
