التخطي إلى المحتوى الرئيسي
بحث هذه المدونة الإلكترونية
وه‌زيره‌كى ئه‌لمانى و پێكهاته‌يێن كوردستانێ رۆلێ سه‌رۆك بارزانى بلند دنرخينن
ئێزديخان نيوز:
(گيرد مولير)وه‌زيرێ هه‌ماهه‌نگى و گه‌شه‌پێدانا ئابوورى ل حكوومه‌تا ئه‌لمانيا،دگه‌ل دا (شێخ شامۆ) ئه‌ندامێ په‌رله‌مانێ كوردستانێ ل سه‌ر فراكسيۆنا پارتى ديموكراتى كوردستان و سه‌رۆكێ ده‌سته‌يا بلندا بنگه‌هێ لالش ل گه‌ل نوونه‌رێن پێكهاته‌يێن كوردستانێ جڤيان.
راگه‌هاندنا ده‌سته‌يا بلندا بنگه‌هێ لالش دراگه‌هاندنه‌كێ به‌لاڤكريه،دسه‌ره‌دانا خۆ يا فه‌رمى دا بۆ هه‌رێما كوردستانێ،ئيرۆ27كانوونا دوويێ 2016،ل هه‌ولێرێ(گيرد مولير) وه‌زيرێ هه‌ماهه‌نگى و گه‌شه‌پێدانا ئابوورى ل حكوومه‌تا ئه‌لمانيا،دگه‌ل دا (شێخ شامۆ) ئه‌ندامێ په‌رله‌مانێ كوردستانێ ل گه‌ل نوونه‌رێن پێكهاته‌يێن كوردستانێ جڤيان،كو هه‌ر ئێك ژ (ڤيان ده‌خيل) ئه‌نداما په‌رله‌مانێ عێراقێ و (د.سرود)نوونه‌رێ مه‌سيحيا ل په‌رله‌مانێ كوردستانێ و (ئايدن معروف)نوونه‌رێ توركمانا ل په‌رله‌مانێ كوردستانێ دجڤينێ دا به‌شداربوون.
دڤێ جڤينێ دا ره‌وشا پێكهاته‌يان پشتى هێرشا داعشێ و ئه‌و زه‌ره‌را ب پێكهاته‌يان كه‌فتى هاته گه‌نگه‌شه‌كرن،ژلايه‌كى ديڤه رۆلێ حكوومه‌تا هه‌رێمێ و پێشمه‌رگه‌ى و سه‌رۆك بارزانى بلند هاتنه نرخاندن.
دته‌وه‌ره‌كى دى دا پێكهاته‌يان داخوازيێن خۆ كرن و خواستن زێده‌تر هاريكاريا حكوومه‌تا هه‌رێمێ ژ ره‌خێ دارايى ڤه بێته كرن هه‌تا ئه‌ڤ قه‌يران ب داوى بيتن،دا بكارت خزمه‌تا مه بكه‌تن و ده‌ڤه‌رێن ماين يێن دبن كۆنترۆلا تيرۆرستێن داعشێ دا رزگاربكه‌تن و شنگالێ ئاڤه‌دان بكه‌تن.
