راگه‌هاندنا قايممقاميا قه‌زا شنگالێ ئاشكه‌راكر،(مه‌حما خه‌ليل)قايممقامێ قه‌زاشنگالێ و ب ئاماده‌بوونا(وه‌يس نايف)سه‌رۆكێ جڤاتا قه‌زايێ و (خدر خودێدا)رێڤه‌به‌رێ ناوچه‌يا گرعزێر،ئيرۆ 3/1/2016ل گه‌ل به‌رپرسێن فه‌رمانگه‌هێن حكووميێن شنگالێ كۆمبوو ل جهێ خۆ يێ پێگهۆر ل قه‌زا سێمێلێ،ئه‌ڤ كۆمبوونه ژڤان خالان پێك هاتبوو.
گرێدانا كۆنگره‌يه‌كى ل دۆر شنگالێ ل هه‌ولێرێ و سازدانا چاكسازيێن كارگێرى بۆ فه‌رمانبه‌ران و پێشكێشكرنا باشترين خزمه‌تكاريان و هاندانا فه‌رمانبه‌ران بۆ پێگريكرنێ ب ده‌واما فه‌رمى و گرنگى دان ب باره‌گايان،ڤه‌كرنا قوتابخانان ل شنگالێ،ده‌وام ب شيوێ گه‌رێن هه‌فتيانه بت،پێشنيار بۆ دووباره ئاڤه‌دانكرنا ئاڤاهيێن شنگالێ يان ئاڤاكرنا شنگاله‌كا نوو،پێشكێشكرنا راپۆرتان و پێشنياران ل دۆر گرنگيا ئاڤاهيێن باژێرى.
