التخطي إلى المحتوى الرئيسي
بحث هذه المدونة الإلكترونية
ئێكه‌مين پێشانگه‌ها شێوه‌كارى ل شنگالێ هاته ڤه‌كرن
ئێزديخان نيوز:
ل ژێر درووشمێ(ژيان يابه‌رده‌وامه ل شنگالێ) و لژێر چاڤدێريا(فه‌رهاد ئه‌مين ئه‌تروشى) پارێزگه‌رێ دهۆكێ،ئيرۆ رۆژا ئێك شه‌مبوويێ 17/1/2016، وپشتى رزگاركرنا شنگالێ ژ ده‌ستێن تيرۆرستێن داعشێ،ئێكه‌مين پێشانگه‌ها شێوه‌كارى ل شنگالێ هاته ڤه‌كرن.
بێوار ته‌حسين،سه‌رۆكێ ناڤه‌ندا شێوه‌كارى ل سه‌نديكا هونه‌رمه‌ندێن كوردستانێ بۆ مالپه‌رێ ئێزديخان نيوز گۆت:ب ئاماده‌بوونا هه‌ر ئێك ژ(محما خه‌ليل) قايممقامێ شنگالێ ب نوونه‌راتيا پارێزگه‌رێ دهۆكێ و (سه‌ربه‌ست له‌زگين)ئه‌ندامێ ئه‌نجوومه‌نێ سه‌ركردايه‌تيا پارتى ديموكراتى كوردستان و نوونه‌رێ(وه‌حيد باكوزى)به‌رپرسێ لقێ هه‌ڤده يێ پارتى و (قاسم شه‌شۆ)فه‌رماندێ فه‌رمانده‌يا شنگالێ و (هه‌كار ئامێدى)فه‌رماندێ له‌شكه‌رێ دوويێ تايبه‌ت و به‌رپرسێ ئاسايشا شنگالێ و (ئه‌ڤين حسێن)سه‌رۆكا سه‌نديكا هونه‌رمه‌ندێن كوردستانێ،زێده‌بارى ژماره‌يه‌كا باش ژ به‌رپرسێن ئيدارى و حزبى و پێشمه‌رگه‌يێن قاره‌مان،سه‌نديكا هونه‌رمه‌ندێن كوردستانێ لقێ دهۆكێ رابوو ب ڤه‌كرنا پێشانگه‌هه‌كا شيوه‌كارى بۆ هونه‌رمه‌ندێ گه‌نج(عه‌مار سالم).
گۆتژى پشتى ڤه‌كرنا پێشانگه‌هێ خه‌لاتێ رێزگرتنێ هاته پێشكێشكرن بۆ هونه‌رمه‌ندێ ناڤبرى و ده‌ست خۆشى ژلايێ هه‌موو ئاماده‌بوويان ل هونه‌رمه‌ندى و سه‌نديكايێ هاته كرن.
سه‌رۆكێ ناڤه‌ندا شێوه‌كارى ل سه‌نديكا هونه‌رمه‌ندێن كوردستانێ ئاماژه دا وێ چه‌ندێ ژى پشتى رزگاركرنا شنگالێ ئه‌ڤه ئێكه‌مين كارێ هونه‌رى يه ل ناڤ شنگالێ هاتيه كرن،سه‌نديكا هونه‌رمه‌ندان وه‌و ده‌ستپێشخه‌رى ئه‌ڤ كاره ئه‌نجام دا.
