دڤى كۆنگرێ رۆژنامه‌ڤانى دا(ناديا موراد) راگه‌هاند وگۆت:ئه‌ز يا پێ خۆشحالم ئيرۆ ل وه‌لاتێ كويتێ مه و سوپاسيا سه‌رۆكێ كوێتێ دكه‌م ل سه‌ر داخوازيا وى،سوپاسيا گه‌لێ كوێتێ ژى دكه‌م،به‌رى بێمه كوێتێ چۆيمه جڤاتا ئاسايشا نێڤ ده‌وله‌تى و پاشى وه‌لاتێن مسرێ و يونانێ و ل گه‌ل سه‌رۆكێن وان هه‌ردوو وه‌لاتان كۆمبووم،ئيرۆ هاتيمه كوێتێ،ئه‌زيا كێشه‌يا خۆ و جڤاكێ ئێزدى ب ته‌مامى به‌رچاڤ دكه‌م ئه‌وێ تووشى كۆمكوژيه‌كا بكۆم بووى ژبال رێكخراوا تيرۆرستيا داعشێ.
هه‌روه‌سا گۆت:داعش هێرش كره سه‌ر ئێزديان ل شنگالێ و ب هه‌زاران ئێزدى كوشتن ل رۆژا 3/8/2014و ب هه‌زاران كچ و ژن و زارۆك سه‌بيكرن،ئه‌ز ل گوندێ خۆ يێ كۆچۆ بووم و يا ژ چيايێ شنگالێ دووربووم مه نكارى ب ده‌ركه‌ڤين وب ره‌ڤين،داعشێ ئه‌م دوورپێچ كرين و زه‌لامێن گوندى هه‌موو كوشتن پشتى پازده رۆژان ژ دوورپێچكرنێ،داعشێ شه‌ش برا و ده‌يكا من دگه‌ل سه‌دان ده‌يكێن دى كوشتن.
ئاشكه‌راكرژى پشتى ب ده‌هان تيرۆرستێن داعشێ زۆردارى ل من كرى و كه‌رامه‌تا من برى،پشتى سێ هه‌يڤێن گرتنێ من هه‌ول دا ب ره‌ڤم و من خۆ قورتالكر ژ ده‌ستێن وان،به‌لێ هه‌تا نۆكه كۆمكوژى دده‌رهه‌قێ ئێزديان ده يا به‌رده‌وامه و گه‌له‌ك قوربانى هه‌نه ،نه‌بتنێ ئێزدى نه،به‌لكو شيعه و سنه و مه‌سيحى ل عێراقێ و گه‌لێ سورى ژى وه‌كى منه و پتر ژى،ساله‌ك ده‌رباز بوو ل سه‌ر ڤێ كۆمكوژيێ،هه‌تا نۆكه پترى سێ هه‌زار ژن و زارۆكێن ئێزدى يێ دئێنه فرۆتن وه‌ك ديارى.
ئاماژه‌كرژى ئه‌ز يا ب ده‌نگێ جڤاكه‌كى ب ته‌مامى دئاخڤم و هه‌موو كێمينه تووشى كۆمكوژيێ بووينه،سه‌رۆكێ كوێتێ لگه‌ل كێشا من بوو و گۆت شه‌ره‌فا ته شه‌ره‌فا مه‌يه و توو خووشكا هه‌ر كوێتيه‌كى،من دڤێت نامه‌يا خۆ ب رێيا كوێتێ بگه‌هينم بۆ جڤاكێ خه‌ليجى و ئه‌ره‌بى هه‌تا كو گه‌نج ب سه‌كنن و نه‌چنه دگه‌ل ڤێ رێكخراوا تيرۆرستى.
ئه‌و چه‌نده ژى رۆنكر،پشتى ل گه‌ل سه‌رۆكێ مسرێ و كوێتێ كۆمبوويم،يا پشت راستم كريارێن داعشێ نه‌يێن ئيسلامێ نه،به‌لێ ئه‌ز و جڤاكێ من و گه‌له‌ك كێمينه پێدڤى راوستيانا ئيسلامى و مرۆڤى نه هه‌تا داعشێ ل عێراقێ و سوريايێ ژناڤ ببه‌ين و هه‌تا ئه‌ڤ تشت ب سه‌كنت ل دژى ئافره‌ت و زارۆكان.
گۆتژى سبه‌ى 18/1/2016من ديداره‌ك ل كه‌نالێن ته‌له‌فزيۆنى يێن مه‌جلس و يێ كوێت هه‌يه،دێ به‌حسێ رێيێن ده‌ست درێژيێ و فرۆتنێ و كوشتنێ كه‌م،هيڤيدارم هه‌موو گه‌ل و جيهان ل گه‌ل كێشه‌يا من و هه‌ر گه‌له‌كى تووشى ڤێ كۆمكوژيێ بووين بن وه‌كى سه‌رۆكێ كوێتێ.
