ل ئۆسلۆ پايته‌ختێ وه‌لاتێ نه‌رويجێ،كچا ئێزدى(ناديا موراد) ل گه‌ل(سفين موليكيف)سه‌رۆكێ خاچا سۆرا نه‌رويجێ جڤيا،دهه‌ڤديتنه‌كێ دا به‌حسێ وێ كۆمكوژيا ئێزديان و تاوانێن دژى مرۆڤايه‌تيێ ل دژى جڤاكان و ب تايبه‌ت كێمينه‌يێن ئايينى كرن.
ئيرۆ رۆژا ئينيێ29كانوونا دوويێ 2016(ناديا موراد)راگه‌هاند،دڤێ هه‌ڤديتنێ دا بۆ سه‌رۆكێ خاچا سۆرا نه‌رويجێ و لژنا نێڤ ده‌وله‌تى و تۆرا خۆبه‌خشان يێن گرێدايى خاچێ ل سه‌ر وێ كۆمكوژيا ئێزديان و تاوانێن دژى مرۆڤايه‌تيێ ل دژى جڤاكان و ب تايبه‌ت كێمينه‌يێن ئايينى ئاخفتم.
هه‌روه‌سا ل سه‌ره‌وشا مرۆڤى يا خراب يا ئاواره‌يان ب گشتى و ب تايبه‌ت رزگاربوويان و ئێتيمان ئاخفتم،من داخواز ژ رێكخراوێ كر پشته‌ڤانيا مرۆڤى و هاوارهاتنێ زێده بكه‌ت و سه‌ره‌ده‌ريێ ل گه‌ل كێميا هاريكاريێن مرۆڤايه‌تى يێن نۆكه بكه‌ت،دگه‌ل پشته‌ڤانيه‌كا زێده يا نه‌ئاسايى بۆ رزگاربوويان و ئێتيمان ل ده‌ڤه‌رێن ململانێ لێ هه‌ين.
ئاماژه دايه وێ چه‌ندێ سه‌رۆكێ خاچا سۆرا نه‌رويجێ ده‌ربرينا خۆ يا مرۆڤايه‌تى ل گه‌ل چيرۆكا من دياركر و گۆت ئه‌و دێ كێشه‌يێ بلند كه‌تن بۆ جڤاتا سه‌ركرده يا خاچێ و دێ كاركه‌ت ل گه‌ل جڤاكێ نێڤ ده‌وله‌تى بۆ پێشكێشكرن و زێده‌كرنا پشته‌ڤانيێ،ديسان دێ ده‌ستێ هاريكاريێ گه‌هيننه هه‌موو ده‌ڤه‌رێن يێن دگه‌هنێ.
