كچا ئێزدى(ناديا موراد) دبه‌ياننامه‌يه‌كێ ده خوياكريه،ل ده‌ستپێكا ديدارێ سه‌رۆكا وه‌زيرێن نه‌رويجێ كه‌يف خۆشيا خۆ ب ڤێ ديدارێ ژلايه‌كى ڤه دياركر و ب مرۆڤه‌كا وێره‌ك ناڤبرم،ژلايه‌كى ديڤه هه‌ڤخه‌ميا خۆ دياركر ل سه‌ر وێ ده‌رده‌سه‌ريێ ئه‌وا ئه‌و و خۆشكێن وێ تووشبووينێ ل سه‌ر ده‌ستێ رێكخراوا داعش يا تيرۆرستى.
ژلايه‌كى ديڤه سه‌رۆكا وه‌زيرێن نه‌رويجێ گوه ل ئاخفتنێن من بوو ل سه‌ر تاوانێن داعشێ دده‌رهه‌قێ ژن و زارۆكێن ئێزديان و ئازارێن گه‌لێن ل وێ ده‌ڤه‌رێ ژ تاوانێن ڤان درندا ، ب تايبه‌ت دژى كێمينه‌يان و ئێزديان ب تايبه‌تى.
هه‌روه‌سا من داخوازژ جڤاكێ نێڤ ده‌وله‌تى كر پێكۆلێن خۆ پتر لێ بكه‌تن بۆ ژناڤبرنا داعشێ،يێ هاريكار بت بۆ دكيۆمێنتكرنا كۆمكوژيا ئێزديان و گۆرێن بكۆم و تاوانێن ديتر،ديسان من داخوازا هاريكاريێ ژ نه‌رويجێ كر بۆ هاريكاريكرنا ئاواره‌يان و په‌نابه‌ران ب گشتى و پێشوازيكرن و چاره‌سه‌ركرن و پێگه‌هاندنا قوربانيێن داعشێ و پێشوازيكرنا كۆچبه‌رێن ئێزديان و كێمينه‌يێن دى يێن كو ره‌نگه بێنه ده‌رێخستن ل نه‌رويجێ و رزگاركرنا ده‌ڤه‌رێن ماين يێن دبن كۆنترۆلا داعشێ دا و دووباره ئاڤادانكرنا وان.
(ئيرينا سولبريغ) هه‌ڤخه‌ميا خۆ بۆ نامه‌يا من دياركر و دووپاتكر كو ئه‌و دێ ب جدى به‌رێ خۆ ده‌ته داخوازيان و ل گه‌ل جڤاكێ نێڤ ده‌وله‌تى دێ كاركه‌ت بۆ ژناڤبرنا قه‌يرانێ.
دڤێ سه‌ره‌دانێ دا ره‌ڤه‌ندا ئێزديان ل نه‌رويجێ و وه‌لاتێ(ده‌روێش) كو خه‌لكێ كۆمه‌لگه‌ها سيبا شێخدرێ يه ل شنگالێ وى ژى برا و كورێ برايێ خۆ و پێنج كه‌س ژ خێزانا خۆ ژ ده‌ست داينه ل كۆمكوژيێ دگه‌ل(ناديا موراد)بوون.
