(ناديا موراد) كچا ئێزدى يا رزگاربوويا ژ ده‌ستێ داعشێ،پشتى ل گه‌ل ميرێ وه‌لاتێ كوێتێ كۆمبوويى،به‌ياننامه‌يه‌ك راگه‌هاند.
ده‌قێ به‌ياننامێ:
بۆ من جهێ شه‌ره‌فه‌كا مه‌زنه ئيرۆ من چاف كه‌فت ب سه‌ماحه‌تا(شێخ صباح ئه‌لئه‌حمه‌د ئه‌لجابر ئه‌لسه‌باح)ميرێ وه‌لاتێ كوێتێ،من ده‌ربرينا خۆ ل هه‌مبه‌ر وه‌لات و گه‌لێ كوێتێ دياركر بۆ وێ پێشوازيا ل من كرين و خۆ ل كێشه‌يا من كرينه خودان،ده‌ردوئازارێن جڤاكێ ئێزدى و كێمينه‌يان و بوسلمان ژى و هه‌موو جڤاكان ب ته‌ڤ پێكهاتان ڤه،ئازارێن گرتيێن ئێزدى ژى ب تايبه‌تى و يێن مليۆنه‌ها ئاواره‌يان من گه‌هاندنه وى.
ميرێ كوێتێ هاندانا من كر كو يا به‌رده‌وام بم ل سه‌ر ڤه‌گۆهاستنا نامێ بۆ جيهانێ و به‌رده‌وامى دان ل ژيانێ سه‌ره‌راى ئاسته‌نگان،پشتى ديدارێ من هه‌ست ب ئۆمێده‌واريێ كر.
سوپاسيا ميرێ كوێتێ و سه‌رۆكێ جڤاتا نه‌ته‌وه‌يى و گه‌لێ كوێتێ دكه‌م بۆ پێشوازى و مرۆڤايه‌تيا وان و به‌ره‌ڤانيا وان ژ مرۆڤايه‌تيێ.
