التخطي إلى المحتوى الرئيسي
بحث هذه المدونة الإلكترونية
1080قوتابيێن ئێزدى ل هه‌رێمێ هاتنه وه‌رگرتن
ئێزديخان نيوز:
سه‌رۆكێ ده‌سته‌يا بلندا بنگه‌هێ لالش ل دهۆكێ ئاشكه‌راكر، وه‌زاره‌تا خووندنا بلند رازه‌مه‌ندى دا ل سه‌ر وه‌رگرتنا 1080قوتابيێن دى يێن كوردێن ئێزدى.
(شێخ شامۆ) سه‌رۆكێ ده‌سته‌يا بلندا بنگه‌هێ لالش و نوونه‌رێ كوردێن ئێزدى ل فراكسيۆنا زه‌رد ل په‌رله‌مانێ كوردستانێ،ب مالپه‌رێ پارتى ديموكراتى كوردستان راگه‌هاند،ل سه‌ر راسپارده‌يا(سه‌رۆك بارزانى)و ب فه‌رمانا سه‌رۆكێ حكوومه‌تا هه‌رێمێ كو پێشتر ده‌ركه‌فت بوو بۆ ڤه‌گۆهاستن و وه‌رگرتنا قوتابيێن ئێزدى و ل به‌ر چاڤ وه‌رگرتنا وێ ره‌وشا نۆكه يا كوردێن ئێزدى،پشتى هه‌ولێن مه يێن به‌رده‌وام وه‌كو بنگه‌هێ لالش كو هه‌لگرێ وێ دۆسێ يه،دوهى رۆژا دووشه‌مبوويێ 18/1/2016پشتى ته‌مامبوونا رێكارێن ياسايى،وه‌زاره‌تا خووندنا بلند رازه‌مه‌ندى ل سه‌ر وه‌رگرتنا 1080قوتابيێن كوردێن ئێزدى تا درێژيێ ب خووندنێ بده‌ن ل زانكۆ و په‌يمانگه‌هێن هه‌رێمێ.
سه‌رۆكێ ده‌سته‌يا بلندا بنگه‌هێ لالش گۆتژى دۆسه‌يا ڤه‌گۆهاستن و وه‌رگرتنا قوتابيێن كوردێن ئێزدى ل زانكۆ و په‌يمانگه‌هێن هه‌رێما كوردستانێ ل سالا 2007وه‌ره ل ده‌ستێ بنگه‌هێ لالش دايه،هه‌ر ژ ده‌مێ هاتنا تيرۆرستێن داعشێ باژێرێ مووسلێ داگيركرن،تانۆكه ب پشته‌ڤانيا حكوومه‌تا هه‌رێما كوردستانێ رێژه‌يا وه‌رگرتنا قوتابيێن ئێزدى گه‌هشته هه‌شت هه‌زار قوتابى.
