التخطي إلى المحتوى الرئيسي
البحث
بحث هذه المدونة الإلكترونية
ل كه‌مپان لاپه‌رێن باوه‌رپێكرى يێن رزگاربوويان دێ ئێنه ته‌مامكرن
ئێزديخان نيوز:
په‌رله‌مانتاره‌كا كوردا ئێزدى ل ئه‌نجوومه‌نێ نوونه‌رێن عێراقێ راگه‌هاند،تيمێن فه‌رمانگه‌ها ره‌گه‌زناما مووسلێ دێ سه‌ره‌دانا كه‌مپان كه‌ن،ژبۆ ته‌مامكرنا لاپه‌رێن باوه‌رپێكرى يێن ناسناما بارێ كه‌سايه‌تى و ره‌گه‌زناما عێراقى بۆ رزگاربوويان.
(ڤيان ده‌خيل)په‌رله‌مانتارا كوردا ئێزدى ئيرۆ رۆژا دووشه‌مبوويێ 4/1،ل گه‌ل(نوقل عاكوب)پارێزگه‌هێ مووسلێ و چه‌ند ئه‌ندامێن جڤاتا پارێزگه‌هێ ل جهێ پێگهۆر يێ پارێزگه‌هێ كۆمبوو.
نڤيسينگه‌ها راگه‌هاندنا په‌رله‌مانتار(ڤيان ده‌خيل) ئاشكه‌راكر، دڤێ كۆمبوونێ ده ره‌وشا رزگاربوويێن ژ ده‌ستێ داعشێ هاته گه‌نگه‌شه‌كرن،ل گه‌ل پارێزگه‌هى رێككه‌فت بۆ هنارتنا تيمێن فه‌رمانگه‌ها ره‌گه‌زناما مووسلێ دێ سه‌ره‌دانا كه‌مپان كه‌ن،ژبۆ ته‌مامكرنا لاپه‌رێن باوه‌رپێكرى ژ ناسناما بارێ كه‌سايه‌تى و ره‌گه‌زناما عێراقى بۆ رزگاربوويان،بۆ هندێ بارێ وان سڤك ببتن ده‌مێ سه‌ره‌دانا فه‌رمانگه‌هێن فه‌رمى دكه‌ن،هه‌روه‌سا دێ ل گه‌ل رێڤه‌به‌رێن كه‌مپان ژى رێككه‌ڤين بۆ ته‌مامكرنا مامه‌له‌يان.
هه‌روه‌سا ڤيان ده‌خيل سه‌ره‌دانا نڤيسينگه‌ها ره‌گه‌زناما مووسلێ ل جهێ پێگهۆر كر،ژبۆ ئاگه‌هداربوون لسه‌ر گرنگترين پێدڤيێن وان و سڤكرنا بارێ وه‌لاتيان بۆ ب رێڤه‌برنا مامه‌له‌يێن وان ب شێوه‌يه‌كى ساناهى.
