داسن قه‌وال سلێمان،سه‌رۆكێ جڤاتا ناوچه‌يا باشيكێ بۆ مالپه‌رێ ئێزديخان نيوز گۆت:ئه‌وا خه‌لكێ باشيكێ ديتى ب سه‌رێ باژێرێ شنگالێ دا هاتى پشتى رزگاركرنێ چ ژناڤبرن و خرابكرن و وێرانكرن و گيرۆبوونا رزگاركرنا ناوچه‌يێ،كارتێكرن ل سه‌ر وره‌يا وه‌لاتيێن باشيكێ كريه و پتريا وه‌لاتيان دبينن كو هه‌مان شێوه ل سه‌ر باژێرێ وان دێ ئێته جێبه‌جێكرن چ ژ ناڤبرنێ و هه‌رفاندنا ژێرخانه‌يا باژێرى و خانيان،زێده‌بارى كێمكرنه‌كا زێده دبوودجا ده‌وله‌تێ دا و كێم مه‌زاختن دێ بنه ئاسته‌نگ بۆ دووباره ئاڤه‌دانكرنا ئاڤاهيێن باشيكێ و دابينكرنا خزمه‌تكاريێن پێدڤى يێن ژيانێ وه‌كى ئاڤ و كاره‌ب و و موه‌لدان و ئالياتێن باژێرڤانيێ و هنده‌ك كاروبارێن دێ يێن گرنگ،ئه‌ڤان هه‌موويان وه‌لاتيێن باشيكێ و به‌حزانێ هاندان كۆچ بكه‌نه ئه‌وروپا.
سه‌رۆكێ جڤاتێ زێده‌تر گۆت:ئه‌گه‌ر هێزێن ئێمناهيێ بۆ ده‌ڤه‌رێ هاتبانه بۆ رزگاركرنا باشيكێ،دا كۆچكرن بۆ ژ ده‌رڤه ب شێوه‌يه‌كى مه‌زن سه‌كنيبا و دێ پشت راستبانه كو دێ چ ئه‌نجام هه‌بانه پشتى ئازادكرنێ،به‌لێ گيرۆبوونا رزگاركرنا ده‌ڤه‌رێ و گرێدانا وێ ب كێشه‌يا رزگاركرنا باژێرێ مووسلێ ڤه،ڤێ چه‌ندێ وره‌يا خه‌لكێ باشيكێ و به‌حزانێ كێمكر.
