التخطي إلى المحتوى الرئيسي
بحث هذه المدونة الإلكترونية
ده‌ست ب ڤه‌كرنا گۆرێن بكۆم ل ده‌ڤه‌را حه‌ردان هاته كرن
ئێزديخان نيوز:
وه‌زاره‌تا شه‌هيد و ئه‌نفالكريان يا حكوومه‌تا هه‌رێما كوردستانێ راگه‌هاند،لژنه‌يه‌كا تايبه‌تمه‌ند هاتيه پێكئينان بۆڤه‌كرنا گۆرێن بكۆم ل شنگالێ و ڤه‌كۆلينان لسه‌ر وان گۆران،ل نێزيك دێ ده‌ست بكارێ خۆ كه‌ت بۆ ڤه‌كرنا گۆرێن بكۆم ل ده‌ڤه‌را حه‌ردان كو هه‌فت گۆر لێ هه‌ينه،پتريا قوربانيێن تێدا كوردێن ئێزدى نه.
فواد عثمان،ئاخفتنكه‌رێ وه‌زاره‌تا شه‌هيد و ئه‌نفالكريان يا حكوومه‌تا هه‌رێما كوردستانێ بۆ مالپه‌رێ پارتى ديموكراتى كوردستان گۆت:لژنه‌يه‌كا تايبه‌تمه‌ند هاتيه پێكئينان بۆ لێگه‌ريانێ ل گۆرێن بكۆم ل شنگالێ،دێ ده‌ست بكارى كه‌ت ل گۆرێن بكۆم ل ده‌ڤه‌را حه‌ردان،پشتى پشت راستبووين كو يا ڤالايه ژ مينێن چاندى ژبال تيرۆرستان ڤه.
عثمان گۆتژى دوو گۆرێن مه‌زن ل ناڤ شنگالێ دانه هه‌ينه،ژبه‌ركو ئه‌و نێزيكى جهێن شه‌رى نه نابت نۆكه بێنه ڤه‌كرن،ئه‌ڤ لژنه دێ كاركه‌ت بۆ ڤه‌كرنا گۆرێن ئاماژه‌پێكرى،كو ژ جهێن به‌ره‌نگاربوونێ دگه‌ل داعشێ ئد دوورن.
