التخطي إلى المحتوى الرئيسي
بحث هذه المدونة الإلكترونية
ڤێ قه‌يرانێ ل دێره‌بوونێ سه‌رهه‌لدايه
ئێزديخان نيوز:
ماوه‌يێ 15رۆژانه سيبايا ئاڤێ يا دێره‌بوونێ ژ كاركه‌فتييه،ژبه‌رنه‌بوونا ئاڤێ خه‌لك يێ دره‌وشه‌كا خراب دا دژيت،ب ڤێ چه‌ندێ قه‌يرانا ئاڤێ ل ده‌ڤه‌رێ په‌يدابوويه و سه‌رهه‌لدايه.
رۆژنامه‌ڤان(شه‌مال خدر) ژ ده‌ڤه‌را دێره‌بوونێ بۆ ئێزديخان نيوز گۆت:ئه‌ڤه ماوه‌يێ 15رۆژانه سيبايا ئاڤێ يا دێره‌بوونێ ژ كاركه‌فتييه و خه‌لك ژبه‌ر نه‌بوونا ئاڤێ يێ دره‌وشه‌كا خراب دا دژيت،دڤێت رێكه چاره‌يه‌ك بۆڤێ كێشێ بێته ديتن،چنكو ئاڤ ئێك ژ پێدڤيێن هه‌ره گرنگه بۆ مرۆڤى دژيانێ دا،هه‌ر دماوێ ڤێ قه‌يرانێ دا كو هه‌تا ئيرۆكه رێككه‌فتى 12/1/2016يا به‌رده‌وامه،به‌فر و بارانه‌كا زۆر ل دێره‌بوونێ هات و خه‌لكى مفا ژ وێ ئاڤا به‌فر وبارانێ ديت،بۆ چێكرنا خوارنێ و ڤه‌خوارنێ و شووشتنێ بكارئينان.
زێده‌تر گۆت:ئێك سيبا تێرا دێره‌بوونێ ناكه‌ت،هه‌كه ئه‌ڤ سيبايا مه بێته چێكرن ژى ئه‌م هه‌ر ژ قه‌يرانا ئاڤێ قورتال نابين،چنكو ژماره‌يه‌كا زۆرا ئاواره‌يان ژى ل ده‌ڤه‌رێ ئاكنجينه،له‌وا دڤێت كار دكۆلانا ديتر دا بێته كرن،داكو ئه‌ڤ قه‌يرانا ئاڤێ نه‌مينت.
ڤى رۆژنامه‌ڤانى ئاماژه‌كر،داخوازا مه ژ جهێن شۆله‌ژێ ئه‌وه كو ب شێوه‌يه‌كى بله‌ز سيبا مه يا ئاڤێ بێته چێكرن،يان ژى سيبايه‌كا ديتر بۆ مه بێته كۆلان،دا ژ ڤێ قه‌يرانێ قورتالبين.
