حكوومه‌تا ئه‌لمانيا به‌رهه‌ڤيا خۆ بۆ رزگاركرنا ره‌ڤانديێن ئێزدى راگه‌هاند

ئێزديخان نيوز:

(گيرد مولير)وه‌زيرێ گه‌شه‌پێدانا ئه‌لمانيا دسه‌ره‌دانا خۆ دا بۆ كه‌مپا شاريا ،به‌رهه‌ڤيا حكوومه‌تا ئه‌لمانيا بۆ رزگاركرنا ره‌ڤانديێن ئێزدىراگه‌هاند.

 ئيرۆ 28كانوونا دوويێ 2016،(گيرد مولير)وه‌زيرێ گه‌شه‌پێدانا ئه‌لمانيا و شاندێ لگه‌ل دا دگه‌ل(دلشاد بارزانى)به‌رپرسێ لقێ شه‌ش يێ پارتى ديموكراتى كوردستان ل ئه‌وروپا سه‌ره‌دانا كه‌مپا شاريا كرن و ژبال(فه‌رهاد ئه‌تروشى)پارێزگه‌رێ دهۆكێ ڤه‌ و ب ئاماده‌بوونا چه‌ند به‌رپرسێن هه‌رێمێ هاتنه‌ پێشوازيكرن.

 راگه‌هاندنا كه‌مپا شاريا دياركر،شاندێ ناڤبرى ل ده‌ستپێكێ سه‌ره‌دانا بنگه‌هێ نه‌خۆشخانا كه‌مپا شاريا كر ئه‌وا هاتيه‌ ئاڤاكرن ژلايێ حكوومه‌تا ئه‌لمانيا ب رێيا ده‌زگه‌هێ(g.l.z)،پاشى سه‌ره‌دانا ئاوارێن كه‌مپێ كر ژبۆ ديتنا ره‌وشا وان وژ نێزيك ڤه‌ گوهداريا وان كرن.

هه‌روه‌سا به‌رهه‌ڤيا خۆ دياركرن ژبۆ ئه‌نجامدانا چه‌ندين پرۆژێن گرنگ يێن كو خزمه‌تا ئاوارا بكه‌تن بێنه‌ جێبه‌جێكرن ل ده‌مه‌كى نێزيك ل كه‌مپێ،هه‌ر ديسان وه‌زيرى به‌رهه‌ڤيا خۆ و حكوومه‌تا ئه‌لمانيا دياركر بۆ رزگاركرنا ره‌ڤانديێن ئێزدى.

ل داويێ ژى شاندێ ناڤبرى ده‌ست خۆشى ل كارگێريا پارێزگه‌ها دهۆكێ كر،ژبۆ وى كارێ كرى به‌رامبه‌ر ئاواران و خزمه‌تا وان دهه‌موو بوارێن ژيانێ دا و ژمارا وان يا زۆر و ب شيانێن كێم.