ئێزديخان نيوز:
رێڤه‌به‌ريا گشتى يا كاروبارێن ئێزديان ل وه‌زاره‌تا ئه‌وقافا هه‌رێما كوردستانێ،ئاماره‌كا نوو راگه‌هاند ل سه‌ر وێيا ئێزدى تووش بووينێ ل سه‌ر ده‌ستێ تيرۆرستێن داعشێ.
ل دووڤ ئاماران كو ژماره‌يا ئێزديان ل عێراقێ به‌رى هاڤينا سالا 2014ێ دۆرێن 550هه‌زار كه‌سان بوون.
(خێرى بۆزانى) رێڤه‌به‌رێ رێڤه‌به‌ريا گشتى يا كاروبارێن ئێزديان،27كانوونا دوويێ 2016،دوهى بۆ(شه‌فه‌ق نيوز) گۆت:ژماره‌يا ئاواره‌يێن ئێزدى ژبه‌ر داگيركرنا داعش دۆرێن چارسه‌د هه‌زار ئاواره‌يانه.
زێده‌تر گۆت:ئه‌نجامێن ئامارێ ب ڤى شێوه‌ينه:
_ژماره‌يا جانگۆريان 1293.
_ژماره‌يا ره‌ڤاندييان 5887ژوانا:3237مێ و 2650نێر.
_ژماره‌يا ئێتيمان 1103زارۆكێن ئێتيم.
_ژماره‌يا گۆرێن بكۆم يێن هاتينه ئاشكه‌راكرن ل شنگالێ هه‌تا نۆكه:22گۆرێن بكۆمن.
_ژماره‌يا مه‌زارگه‌ه و نيشانگه‌هێن ئايينى يێن هاتينه په‌قاندن ژبال داعشێ ڤه:42.
سه‌باره‌ت ژماره‌يا رزگاربوويان بۆزانى گۆت:2364كه‌س هاتينه رزگاركرن ژوانا 876ژن و 318زه‌لام و 572زارۆكێن مێ و 598يێن نێر،ژماره‌يا ره‌ڤانديێن ماين ژى يێن دبن كۆنترۆلا داعشێ دا 3523كه‌سن و ژوانا 1788مێ و 1735نێرن.
