التخطي إلى المحتوى الرئيسي
بحث هذه المدونة الإلكترونية
پشتى ڤه‌گه‌ريانا ئاواره‌يان،سه‌رۆكێ جڤاتا سنوونێ داخوازيه‌كێ دكه‌ت
ئێزديخان نيوز:
سه‌رۆكێ جڤاتا ناوچه‌يا سنوونێ ئاشكه‌راكر،ئاڤا ڤه‌خوارنێ ب رێيا تانكان بۆ وان خێزانێن ڤه‌گه‌رياينه مالێن خۆ دئێته دابينكرن،ئه‌م داخوازێ ژ حكوومه‌تا هه‌رێمێ و ئاليێن شۆله‌ژێ دكه‌ين هێش تانكان بۆ مه دابين بكه‌ت،دا ئاڤێ بگه‌هينينه هه‌موو خه‌لكێ سنوونێ.
ژماره‌يا خێزانێن ئاواره يێن ڤه‌دگه‌رنه ناوچه‌يا سنوونێ بۆ سه‌ر مالێن خۆ به‌ره‌ڤ زێده‌بوونێيه،پشتى ره‌وشا ئێمناهيێ لێ جێگربوويى و هه‌موو فه‌رمانگه‌هێن حكوومى لێ هاتينه ڤه‌كرن.
ئلياس خدر،سه‌رۆكێ جڤاتا ناوچه‌يا سنوونێ بۆ ئێزديخان نيوز گۆت:ئاڤا ڤه‌خوارنێ ل سنوونێ يا كێمه و هاتنا ئاواره‌يان ژى بۆ ده‌ڤه‌رێ يا به‌رده‌وامه،له‌وا ئه‌م داخوازێ ژ حكوومه‌تا هه‌رێما كوردستانێ و ئاليێن شۆله‌ژێ دكه‌ين تانكان زێده‌تر بۆ مه كرێ بكه‌ن،دا ئاڤێ بۆ وه‌لاتيان دابين بكه‌ين.
