ناديا مراد:شێخ ئه‌زهه‌ر زۆرداريكرن ل ئێزديان حه‌رامكر
ئێزديخان نيوز:
(ناديا مراد) كچا كوردا ئێزدى ده‌مێ سه‌ره‌دانا وه‌لاتێ مسرێ كرى،چاڤ ب سه‌رۆكێ وى وه‌لاتى و ئيمامێ مه‌زن كه‌فت و سه‌ره‌دانا زانكۆيا قاهيره كر، دپه‌يچێ خۆ يێ فه‌رمى يێ تۆرا فه‌يسبۆكى ده رادگه‌هينت،كو ئه‌و سوپاسيا (شێخ ئه‌لئه‌زهه‌ر) دكه‌ت بۆ وێ داخويانيا پێشكێشى هه‌موو جيهانێ كرى كو زۆرداريكرن ل ئێزديان يا حه‌رامه و ئێزدى نه‌كافرن.
هه‌روه‌سا كچا ئێزدى ناديا مراد دبێژت:سوپاسيا(ئه‌حمه‌د ئه‌لته‌يب) ئێمامێ مه‌زن دكه‌م بۆوێ پێشوازيا ل مه‌كرى،ديسان سوپاسيا(شێخ ئه‌لئه‌زهه‌ر) دكه‌م بۆ وێ داخويانيا پێشكێشى هه‌موو جيهانێ كرى كو زۆرداريكرن ل ئێزديان يا حه‌رامه و ئێزدى نه‌كافرن،سه‌كناندنا شێخ ئه‌لئه‌زهه‌ر دگه‌ل مه يا مێژوويێ يه كو بۆ جارا ئێكێ دديرۆكا ئێزديان ده چێدبت و په‌يوه‌ندى دگه‌ل بوسلمانان و رۆژه‌كا مێژوويێ يه و شێخ ئه‌حمه‌د ئه‌لته‌يب كه‌سه‌كه ددلێ ويدا خێرخوازى هه‌يه و خێرخوازه.
سوپاسيا شێخ ئه‌لئه‌زهه‌ر دكه‌م بۆ ڤێ پێنگاڤا پيرۆز و سوپاسيا وه‌لاتێ مسرێ دكه‌ين و هزرا وێ يا جوان بۆ كێشه‌يا مه،ئيرۆ مسر و شێخ ئه‌لئه‌زهه‌ر سه‌لماندن كو داعش تاوانباره و خۆ هه‌كه بناڤێ ئايينى بت،ئه‌و نوونه‌راتيا ئايينى ب ته‌واوى ناكه‌تن.
شێح ئه‌حمه‌د ل چاڤێن مه درێنى و هه‌ست ب ئازارێن مه دكر و گۆت ئه‌م دێ ل گه‌ل وه بين و يا مه پێ چێبت دێ بۆ وه كه‌ين،داخواز ژ مه كر كه‌نالێن گه‌هاندنێ يێن راسته‌وخۆ دناڤبه‌را مه‌رجه‌عێن ئايينێ ئێزديان و ئه‌لئه‌زهه‌رێ شه‌ريف دا هه‌بن،هه‌تا كو ل ئايينێ ئێزديان تێبگه‌هن و هه‌موو بوسلمان قه‌بوول بكه‌ن و گۆت دێ ئێزديان داخواز كه‌ين بۆ هه‌موو كۆنگره‌يێن خۆ پشتى نۆكه.
ئه‌ڤى مرۆڤێ باش و شه‌ريف وه‌ل مه كر كو پێكڤه‌ژيان دناڤبه‌را بوسملمانان و ئێزديان دا هه‌بت هه‌تا پشتى وێ كۆمكوژيێ و سه‌رده‌مێ داعشێ، گۆته مه ژى من نه‌ڤێت هون ئه‌ردێ خۆ بهێلن و دڤێت ئم شانازيێ ب وه بكه‌ين .
