التخطي إلى المحتوى الرئيسي
بحث هذه المدونة الإلكترونية
به‌رپرسه‌كى شنگالێ:ناديا مراد ده‌نگ و ئازارێن شنگالێ گه‌هاندنه جيهانێ
ئێزديخان نيوز:
ناديا مراد كچا كوردا ئێزدى،پشتى ئازارێن ئێزديان گه‌هاندينه هه‌موو جيهانێ،رۆلێ وێ ده‌نگ ڤه‌دايه و به‌رپرسه‌كى شنگالێ ژى دبێژت:هه‌لويستێ باليۆزا ئاشتيێ يێ ناديايێ يێ سه‌ربلند بوو ل جه‌م هه‌ر شنگاليه‌كى خودان خيره‌ت و ره‌سه‌ن و ئه‌و جهێ شانازى و سه‌رفرازيا مه‌هه‌موويانه.
وه‌يس نايف،سه‌رۆكێ جڤاتا قه‌زا شنگالێ بۆ مالپه‌رێ ئێزديخان نيوز گۆت:هه‌لويستێ(ناديا مراد) كو باليۆزا ئاشتيێ يه يێ سه‌ربلند بوو ل جه‌م هه‌ر شنگاليه‌كى خودان خيره‌ت و ره‌سه‌ن و ئه‌و جهێ شانازى و سه‌رفرازيا مه‌هه‌موويانه و خودێ وێ پارێزت، ژبۆ ته‌مامكرنا رێره‌وا مه‌يا مرۆڤايه‌تى و ژبۆ گه‌هاندنا ده‌نگێ شنگالێ ب هه‌موو ئێش و ئازارێن وێ بۆ جيهانێ داكو درندايه‌تى و هۆڤاتيا خيلافه‌تا پيس و چه‌په‌ل و ئه‌و زوولما ل سه‌ر خه‌لكێ شنگالێ ببينن.
ناديا مراد ئێكه‌م كچا ئێزدييه و رزگاربوويا ژ ده‌ستێ داعشێ يه،كو ماوه‌يه‌كه كار ژبۆ گه‌هاندنا ئازارێن ئێزديان بۆ جيهانێ دكه‌ت،هه‌روه‌سا چاڤ ب سه‌رۆكێن كۆمارا مسرێ و يۆنانێ ژى كه‌فتيه.
