خۆشحالم ئه‌ڤ ساله ل ده‌مه‌كى ده جه‌ژنا رۆژيێن خووشك و برايێن ئێزدى پيرۆز دكه‌ين كو پێشمه‌رگه‌يێن قاره‌مانێن كوردستانێ،ئازادكرنا شنگالي وه‌ك ديارى پێشكێشى خووشك و برايێن ئێزدى و گه‌لێ كوردستانێ كر،ئازادكرنا شنگالێ شياوترين پيرۆزباهيى يه بۆ خووشك و برايێن ئێزدى ل كوردستانێ و سه‌رانسه‌رى دنيايێ و سارێژا برينا مه و ئه‌و ئازيزانه‌يه.
په‌ياما من بۆ خووشك و برايێن ئێزدى و هه‌موو پێكهاته‌يێن شنگالێ ئه‌وه كو ناوچه‌يا وان ب درێژيا مێژوويێ نه‌مونه‌يا پيكڤه‌ژيانا نه‌ته‌وه‌يى و ئايينى پيكهاتێن جێواز بوو و پێدڤيه ئه‌و فه‌رهه‌نگا پێكڤه‌ژيانێ قوولتر و ده‌وه‌له‌مه‌ندتر بێته كرن ل ده‌ڤه‌را شنگالێ و هه‌موو كوردستان و رێ نه‌ئێته دان ب هيچ شێوه‌يه‌كى زيان ب ئاسوده‌يا خه‌لك و فه‌رهه‌نگا پێكڤه‌ژيانا كوردستانيان و خه‌لكێ شنگالێ بگه‌ينت.
ل ڤێده‌رێ خووشك و برايێن ئێزدى وه دلنيا دكه‌م كو خه‌لكێ كوردستانێ پشته‌ڤانێ وه‌نه و هيچ هێزه‌ك نكارت وه ژ گه‌لێ مه ببرت و هه‌موو توانامان بۆ دابينكرنا ئاينده‌يه‌كى گه‌ش بۆ وه‌يێن خۆشڤى شان ب شانێ گه‌لێ كوردستانێ ده‌خه‌ينه گه‌ر.
هيڤيدارم ئه‌ڤ جه‌ژنه ببته مايا خێر و خۆشيا زێده‌تر بۆخووشك و برايێن كوردێن ئێزدى وسال پشتى سالێ ل سايا كوردستانه‌كا ئارام و ئازاد دا ب خێر و خۆشى جه‌ژنا خۆ پيرۆزبكه‌ن.
