التخطي إلى المحتوى الرئيسي
بحث هذه المدونة الإلكترونية
جێگرێ ميرێ ئێزديان:جه‌ژنا مه يا مه‌زن رزگاركرنا گرتيانه
ئێزديخان نيوز:
ل
رێككه‌فتى 16/12/2015دديداره‌كا به‌رنامێ مۆركرن كو ل كه‌نالێ بادينان سات
دئێته په‌خشكرن،جێگرێ ميرێ ئێزديان(حازم ته‌حسين به‌گ)لسه‌ر چه‌ند خالێن
گرنگ گرێدايى ره‌وشا ئێزديان ڤه ئاخى.
1.جه‌ژنا مه‌زنا مه ئه‌وه رزگاركرنا گرتيانه
2.ده‌رگه‌ه
يێ ڤه‌كريه بۆ هه‌موو رێكخراوێن جڤاكێ سڤيل يێن ئێزديان بۆ ئاگه‌هبوون ل
سه‌ر گوژمێن خێراتێن لالشێ و چاوا دئێنه مه‌زاختن و هه‌موو ب ديكيۆمينت و
به‌لگه‌يان.
3.پاراستنا نێڤ ده‌وله‌تى بۆ ده‌ڤه‌رێن ئێزدى لي هه‌ين ،ژبه‌ركو تاكێ ئێزدى باوه‌رى بۆ را نه‌مايه.
4.جڤاتا ئێزديان يا بلند ئه‌و دێ بريارێ لسه‌ر پاشه‌رۆژا ئێزديان ده‌ت پشتى هاتيه دانان.
5.ئه‌م
نه ل دژى ئێكى نه بۆ كۆچكرنێ و مه چوو به‌يان ژى نه‌داينه ل دژى
كۆچكرنێ و خودێ ل گه‌ل كۆچبه‌ران بت و خودێ ل گه‌ل يێن ماين ژى بت.
6.هيڤيدارين ژ ئێزديان گه‌شتێ نه‌كه‌ن ده‌مێ بلندبوونا پێلێن ده‌ريايێ،چنكو ئه‌و دبته مه‌ترسى ل سه‌ر وان.
7. كاركرن بۆ رزگاركرنا ده‌ڤه‌رێن ئێزديان يێن ماين و كاركرن بۆ ئاڤه‌دانكرنا وان و شنگال ببته پارێزگه‌ه.
8.جڤاتا ئێزديان يا بلند دێ ژگه‌نجان و ره‌وشه‌نبيران و هه‌موو ئێزديان پێك ئێت.
9.مانا
ئێزديان ل عيراقێ و كوردستانێ گرێدايه حكوومه‌تان ڤه ده‌مێ مه دكه‌نه
وه‌لاتى و جێوازى نه‌بت وى ده‌مى ئێزدى دى مينن،لێ هه‌كه جێوازى و
پشتگۆهاڤێتن هه‌بت دبينم كۆچكرنا ئێزديان يا به‌رده‌وام بت و ئه‌م نه دژى
نه،چنكو ئه‌و تووشى كاره‌ساته‌كا مرۆڤايه‌تى بووينه.
10. هه‌ر ئێزديه‌كى ماف هه‌يه ره‌خنێ ل مه بگرت،چنكو ئه‌م كێمته‌رخه‌مين و مه ئه‌ڤه پێ چێبت بكه‌ين.
11. دێ ل لالشێ پێشوازيێ ل رزگاربوويان كه‌ين،چنكو ئه‌م شه‌ره‌ف و كچێن مه‌نه.
12.مه
ئه‌و گوژمێ 3مليۆن دۆلارى يێ ژ رووسيا هاتيه فرێكرن وه‌رنه‌گرتيه و ب
رێيا جڤاتا رۆحانى يان جێگرێ ميرى نه‌هاتيه به‌لاڤكرن و هه‌ر ئێكى به‌لگه
هه‌بن بلا پێشكێش بكه‌تن و ئه‌م به‌رپرسين ل به‌رامبه‌ر رايا گشتى يا
ئێزديان.
