التخطي إلى المحتوى الرئيسي
بحث هذه المدونة الإلكترونية
به‌رژه‌وه‌نديێن كوردێن ئێزدى دگه‌ل خه‌لكێ كوردستانێ نه
ئێزديخان نيوز:
(عه‌لى عه‌ونى)ئه‌ندامێ جڤاتا سه‌ركردايه‌تيا پارتى ديموكراتى كوردستان و به‌رپرسێ لقێ بيستێ پارتى ل شێخان و (بابێ گاڤان) ئه‌ندامێ جڤاتا رۆحانيا ئێزديان ،دووپاتكرن كو به‌رژه‌وه‌نديێن كوردێن ئێزدى دگه‌ل خه‌لكێ كوردستانێ نه.
راگه‌هاندنا لقا بيست يا پارتى ديموكراتى كوردستان ئاشكه‌راكر،بۆ گه‌هاندنا چه‌ندين پێدڤيێن گرێدايى ب كوردێن ئێزدى ڤه،دوهى 15/12 (بابێ
گاڤان) ئه‌ندامێ جڤاتا رۆحانيا ئێزديان سه‌ره‌دانا لقێ بێستێ شێخان يێ
پارتى ديموكراتى كوردستان كر،ژئاليێ (عه‌لى عه‌ونى)ئه‌ندامێ جڤاتا
سه‌ركردايه‌تيا پارتى ديموكراتى كوردستان و به‌رپرسێ لقێ ڤه هاته
پێشوازيكرن،درونشتنه‌كێ ده به‌حسا وان ده‌ڤه‌را هاته كرن يێن هاتينه رزگاركرن ژ ئاليێ هێزێن پێشمه‌رگه‌يێ كوردستانێ ڤه،زێده‌بارى باس كرن ژ ره‌وشا شنگالێ پشتى رزگاركرنێ،هه‌ردوو ئاليان گۆتن ژى به‌رژه‌وه‌نديێن كوردێن ئێزدى دگه‌ل خه‌لكێ كوردستانێ نه،هه‌روه‌سا به‌حسێ وێ جوامێريا خه‌لكێ كوردستانێ كرن كو ب ئاوايه‌كێ گشتى ده‌مێ ئاواره‌بوونا وى خه‌لكێ ناوچه‌يێن وانا هاتينه داگيركرن كو ده‌رگه‌هێن خۆ ڤه‌كرن بۆ برايێن خۆ يێن ئاواره و هاريكاريه‌كا باش و سه‌ره‌ده‌ريه‌كا جوان دگه‌ل ئاواران دا كرن.
هه‌روه‌سا باس ژ وى پرۆژێ گرنگ هاته كرن يێ ل نێزيكى مه‌زارێ شه‌رفه‌دين دئێته جێبه‌جێكرن و ب كاره‌ك زۆر باش ل قه‌له‌م دان.
ئه‌ندامێ جڤاتا رۆحانيا ئێزديان داخوازكر كو ژلايێ ئاليێن شۆله‌ژێ ڤه كو ئه‌و مه‌زارێن جهێ ئۆلێ ئێزديان هاتينه په‌قاندن ژلايێ تيرۆرستێن داعشێ ڤه ،دووباره بێنه نووژه‌نكرن و چێكرن.
دبه‌رامبه‌ر ده ،به‌رپرسێ لقێ بيستێ پارتى گۆت:دێ داخوازى و پێشنيارێن هاتينه كرن گه‌هينه ئاليێن په‌يوه‌نديدار و دياركر كو ئه‌وێن خوونێ بده‌ن بۆ شنگال دێ كارن مه‌زاران ژى نووژه‌ن كه‌ن و ئاڤاكه‌ن.
