ل گوندێ بۆزا هاتيه‌ دزين...چوو راستى بۆ ڤێ پارچه‌يا فيديۆيێ نينن

ئێزديخان نيوز:

فلمێ(ره‌شه‌با)يێ ده‌رهێنه‌ر حسێن حه‌سه‌ن ل گوندێ بۆزا هاتيه‌ چێكرن،ل ده‌مێ چێكرنا وى پارچه‌يه‌كا فيديۆيێ ژلايێ كه‌سه‌كى ڤه‌ ب دزى ڤه‌ هاتيه‌ وێنه‌كرن،ده‌زگه‌هێن راگه‌هاندنێ و تۆرێن كۆمه‌لايه‌تى ب شاشى به‌حسێ ڤێ پارچه‌يێ كرينه‌ و ئاشكه‌راكرينه‌ كو داعشێ ئه‌و فيديۆيه‌ به‌لاڤكريه‌. 

 

ل سه‌ر به‌لاڤبوونا ڤێ پارچه‌يا فلمى شانۆڤانێ كوردێ ئێزدى(سالم حسێن)بۆ مالپه‌رێ ئێزديخان نيوز ئاشكه‌راكر،ئه‌ڤ پارچه‌يا فيديۆيا ژلايێ هنده‌ك رۆژنامه‌يێن بيانى و نافخۆيى و ده‌زگه‌هێن راگه‌هاندنێ و تۆرێن كۆمه‌لايه‌تى هاتيه‌ به‌لاڤكرن كو ديمه‌نێن وێ  لسه‌ر گرتنا خه‌لكێ گوندێ كۆچۆنه‌ وه‌سا داينه‌ خوياكرن،تێدا دياركرينه‌ ب ڤى شێوه‌ى كچ و ژن و زه‌لام ل قوتابخانه‌كێ كرينه‌ و ژێك جوداكرينه‌،به‌لێ چوو راستى بۆ را نينه‌ و ئه‌و پارچه‌ فيديۆ يا فلمێ(ره‌شه‌با)يێ ده‌رهێنه‌ر حسێن حه‌سه‌ن ل گوندێ بۆزا هاتيه‌ چێكرن،ل ده‌مێ چێكرنا وى پارچه‌يه‌ك ژێ ژلايێ كه‌سه‌كى ڤه‌ ب دزى ڤه‌ هاتيه‌ وێنه‌كرن.