التخطي إلى المحتوى الرئيسي
بحث هذه المدونة الإلكترونية
بنگه‌هێ لالش و خاچا سۆرا فه‌ره‌نسى دێ هاريكاريا ئاواره‌يان كه‌ن
ئێزديخان نيوز:
هه‌ر ئێك ژ بنگه‌هێ لالش تايێ خانكێ و خاچا سۆر يا فه‌ره‌نسى،به‌رهه‌ڤيا خۆ دووپاتكرن ل گه‌لێك هه‌ڤكاربن بۆ پێشكێشكرنا باشترين خزمه‌تكاريان و هاريكاريان بۆ ئاواره‌يێن ل كۆمه‌لگه‌هێ ئاكنجى.
عه‌نته‌ر كه‌لۆ،به‌رپرسێ بنگه‌هێ لالش تايێ خانكێ بۆ ئێزديخان نيوز گۆت:شانده‌كى خاچا سۆر يا فه‌ره‌نسى ئيرۆ 10/12/2015سه‌ره‌دانا بنگه‌هى لالش كرن،ژبال ده‌سته‌كا كارگێرى ڤه هاتن پێشوازيكرن،پاشى شاندى شرۆڤه‌كرنه‌ك لدۆر كارێن خۆ ل ده‌ڤه‌رێن په‌نابه‌ران وئاواره‌يان دچارچۆڤه‌يێ سنوورێ
پارێزگه‌ها دهۆكێ ده پێشكێشكرن،به‌رهه‌ڤيان خۆ ژى دياركرن بۆ
هاريكاريكرنا ئاواره‌يان ل خانكێ كو پێشوازى ل ژماره‌يه‌كا هه‌رى مه‌زنا
ئاواره‌يێن شگالێ كريه.
كه‌لۆ راگه‌هاند ژى بۆ ڤى شاندى مه به‌حسێ رۆلێ بنگه‌هى كر ل دۆر پێشكێشكرنا هاريكاريێن پێدڤى بۆ ئاواره‌يان ژ رۆژا ده‌ستپێكا ئاواره‌بوونا وان بۆ كۆمه‌لگه‌هێ و چاوانيا ئاكنجيكرنا وان ل قوتابخانه‌يان و كاڤلان ،دووپات ژى ل رۆلێ خه‌لكێ خانكێ كر بۆ هاريكاريكرنا ئاواره‌يان،زێده‌بارى هندێ بنگه‌هێ مه ب كارێ ديكيۆمێنتكرنا چيرۆكێن ئاواره‌يان رابوو،ب تايبه‌ت ژى رزگاربويێن ژ ده‌ستێ داعشێ،ئه‌و ژى 22ده‌مژمێر يێن ئه‌رشيفى ب وێنه‌ى و ده‌نگى مه ديكيۆمێنتكرينه.
به‌رپرسێ بنگه‌هێ لالش گۆتژى مه به‌رهه‌ڤيا بنگه‌هى دووپاتكر كو ل گه‌ل خاچا سۆر يا فه‌ره‌نسى دێ يێ هه‌ڤكار بت بۆ پێشكێشكرنا باشترين خزمه‌تكاريان و هاريكاريان بۆ ئاواره‌يێن ل كۆمه‌لگه‌هێ ئاكنجى
