التخطي إلى المحتوى الرئيسي
بحث هذه المدونة الإلكترونية
شێخ شامۆ:هه‌ول و پلانێن باش بۆ ئاڤه‌دانكرنا شنگالێ هه‌ينه
ئێزديخان نيوز:
نونه‌رێ كوردێن ئێزدى ل په‌رله‌مانێ كوردستانێ دبێژت،پشتى رزگاركرنا شنگالێ ژ ده‌ستێن تيرۆرستێن داعشێ،هه‌ول و پلانێن باش بۆ ئاڤه‌دانكرنا شنگالێ هه‌ينه.
شێخ شامۆ،نونه‌رێ كوردێن ئێزدى ل په‌رله‌مانێ كوردستانێ ب مالپه‌رێ فه‌رميێ پارتى ديموكراتى كوردستان راگه‌هاند،پشتى ئازادكرنا شنگالێ ژ لايێ هێزێن پێشمه‌رگه‌يێن كوردستانێ ڤه،ژلايێ سه‌رۆكاتيا هه‌رێما كوردستانێ و حكوومه‌تێ ڤه هه‌ول بۆ ئاڤه‌دانكرنێ هه‌ينه،وه‌كى دبينين ل سه‌ر ئاستێ نێڤ ده‌وله‌تى و كوردستان و عێراقێ ژى هه‌ول بۆ ڤێ مه‌به‌ستێ دبه‌رده‌وامن،چنكو شنگال وێران بوو و پێدڤى ب بوودجه‌يه‌كا زۆر هه‌يه هه‌تا بێته ئاڤه‌دانكرن.
شامۆ گۆتژى دزانين ئه‌وا دشيانێن حكوومه‌تا هه‌رێمێ دا بت بۆ شنگالێ دێ كه‌ت،به‌لێ ب تنێ ئاڤه‌دانكرنا شنگالێ بۆ هه‌رێمێ ب زه‌حمه‌ته و بارگرانيه‌كا زێده يا مه‌زن دبت،له‌وا پێدڤى يه هاريكاريا نێڤ ده‌وله‌تى هه‌بت،هه‌روه‌ك (سه‌رۆك بارزانى) گۆتيه پێدڤى يه پشته‌ڤانيه‌كا نێڤ ده‌وله‌تى بۆ ئاڤه‌دانكرنا شنگالێ هه‌بتن.
