نونه‌رێ كوردێن ئێزدى ل په‌رله‌مانێ كوردستانێ(شێخ شامۆ)به‌شداريێ دكۆنگره‌يێ(فره‌هه‌مه‌جۆريا ره‌وشه‌نبيرى) دكه‌ت،يێ كو ژلايێ نڤيسينگه‌ها يونسكو ل عيراقێ ب هه‌ڤكارى دگه‌ل وه‌زاره‌تا ره‌وشه‌نبيرى و گه‌شتيارى و شوونوارێن عيراقێ ل هه‌ولێرێ هاتيه گێران.
ب ئاماده‌بوونا (فرياد راوندوزى)وه‌زيرێ ره‌وشه‌نبيرى و گه‌شتيار و شوونوارێن عيراقێ و (اكسل بلات)نونه‌رێ يونسكو ل عيراقێ و (سوكول كوندى)نونه‌رێ نه‌ته‌وه‌يێن ئێكگرتى،ب به‌شدارييا و ژماره‌يه‌كا كه‌سايه‌تيێن سياسى و ره‌وشه‌نبيرى و راگه‌هاندنێ و مافێ مرۆڤى ژ پێكهاته‌يێن ئايينى و نه‌ته‌وه‌ى و مه‌زهه‌بى ل عيراقێ و هه‌رێما كوردستانێ،كۆنگره‌يێ(فره‌هه‌مه‌جۆريا
ره‌وشه‌نبيرى) ژلايێ نڤيسينگه‌ها يونسكو ل عيراقێ ب هه‌ڤكارى
دگه‌ل وه‌زاره‌تا ره‌وشه‌نبيرى و گه‌شتيارى و شوونوارێن عيراقێ ل هه‌ولێرێ هاته گێران.
( شێخ شامۆ)نونه‌رێ كوردێن ئێزدى ل په‌رله‌مانێ كوردستانێ و سه‌رۆكێ ده‌سته‌يا بلندا بنگه‌هێ لالش ل دهۆكێ،دبه‌شدارييا خۆدا ل كۆنگره‌يى،به‌حسێ وێ كاره‌ساتێ كر يا كوردێن ئێزدى برينداركرين،ژئه‌گه‌رێ هاتنا تيرۆرستێن داعشێ بۆ سه‌ر ده‌ڤه‌رێن وان ب تايبه‌تى شنگالێ، هه‌روه‌سا داخواز ژ يونسكو كر په‌رستگه‌ها پيرۆزا لالش بكه‌ته دليستا كه‌لتۆرێ جيهانى دا،ديسان ل سه‌ر يونسكو پشته‌ڤانيا پرۆژه‌يێ جينۆسايدا ئێزديان بكه‌تن و ڤێ كێشێ بلڤينت،ژبه‌ركو ژلايێ كه‌لتۆرى ڤه دۆرێن 26قوبێن ئێزديان ژلايێ تيرۆرستێن داعشێ ڤه هاتينه په‌قاندن،ژ يونسكو خواست ژى فشارێ ل حكوومه‌تا عيراقێ بكه‌تن ببته ئه‌ندام ددادگه‌ها لاهاى دا،ژبۆ هندێ چوو ئاسته‌نگ نه‌كه‌ڤنه درێ دا كو ئه‌وا ئێزدى برينداركرين تاوانا جينۆسايدێ يه.
دبه‌رده‌واميا ئاخفتنا خۆ دا گۆت:پشتى رزگاركرنا هه‌موو ده‌ڤه‌رێن مه،داخوازێ ژ يونسكو و هه‌موو ده‌زگه‌هێن يو ئێن دكه‌م هه‌ر ئێك دبوارێ خۆ دا ب جدى كار بكه‌ت بۆدانانا پلانێن ژ هه‌ژى بۆ خزمه‌تكرنا ده‌ڤه‌رێن مه،چنكو چوو ژێرخانه لێ نه‌مايه،زڤرينا ژيانێ مه‌سه‌له‌كه پێدڤى ب هه‌ولێن هه‌موو ئاليێن نافخۆيى و ئه‌قليمى يه.
