التخطي إلى المحتوى الرئيسي
بحث هذه المدونة الإلكترونية
ئه‌مريكا دێ يا هاريكار بت بۆ رزگاركرنا ره‌ڤانديێن ئێزدى
ئێزديخان نيوز:
دسه‌ره‌دانه‌كا تايبه‌ت دا بۆ ده‌سته‌يا بلندا بنگه‌هێ لالش ل دهۆكێ،به‌رپرسێ به‌شێ سياسى ل كونسلخانه‌يا ئه‌مريكى ل هه‌ولێرێ(كينث كيبرو) دووپاتكر،رزگاركرنا شنگالێ ده‌ستكه‌فته‌كى مه‌زنه بۆ هێزێن پێشمه‌رگه‌ى و رزگاركرنا وێ ده‌ڤه‌رێ ئه‌گه‌ربوو داعش ب هه‌رفت.
راگه‌هاندنا بنگه‌هێ لالش ئاشكه‌راكر،(كينپ كيبرو)به‌رپرسێ به‌شێ سياسى ل كونسلخانه‌يا ئه‌مريكى ل هه‌ولێرێ ب ياوه‌ريا شانده‌كى،دوهى 29/11/2015پشتى دانێ نيڤرۆ سه‌ره‌دانا ده‌سته‌يا بلندا بنگه‌هێ لالش ل دهۆكێ دا،ژبال چه‌ند ئه‌ندامێن بنگه‌هى ڤه پێشوازى لێ هاته كرن و گۆت:ئه‌م دزانين رزگاركرنا ره‌ڤانديێن ئێزدى خه‌ونه‌كا مه‌زنه ئێزديانه،له‌وا ڤێ خه‌ونێ ژبيرناكه‌ين،دووپاتكر ئه‌مريكا دێ يا هاريكاربت بۆ كێشه‌يا ره‌ڤانديێن ئێزدى.
كيبرو ئاماژه ب وێ چه‌ندێ دا ژى سه‌ره‌دانا مه بۆ بنگه‌هێ لالش بۆ ئاگه‌هداربوون ل سه‌ر ره‌وشا ئێزديان ب گشتى و شنگالێ ب تايبه‌تى بوو.
ژلايێ خۆڤه (شه‌مۆ قاسم)ئه‌ندامێ بنگه‌هێ لالش به‌حسێ چالاكيێن بنگه‌هێ لالش كرن ب تايبه‌تى پشتى كاره‌ساتا شنگالێ،گۆتژى ئه‌مريكا رۆله‌كى ئه‌كتيف و مه‌زن بۆ هاريكاريكرنا پێشمه‌رگه‌ى هه‌بوو بۆ رزگاركرنا شنگالێ،كو ب سه‌رپه‌رشتيا راسته‌وخۆيا (سه‌رۆك بارزانى) بوو،سوپاسيا ئه‌مريكا دكه‌ين بۆ وێ پشته‌ڤانيا سه‌ربازى يا پێشكێشى كوردستانێ دكه‌ت.
دلايه‌كى دى يێ ئاخفتنا خۆ دا (قاسم) گۆت:رزگاركرنا ره‌ڤانديێن ئێزدى ژ ده‌ستێن داعشێ خه‌ونا هه‌ر ئێزدييه‌كى يه و داخوازێ ژ حكوومه‌تا ئه‌مريكى دكه‌ين وێ خه‌ونێ ب ده‌ست ڤه بينت،ئه‌وژى ب پشته‌ڤانيكرنا كوردستانێ سه‌ربازى و لوجۆستى ب شێوه‌يه‌كى مه‌زن.
ئه‌ندامێ بنگه‌هێ لالش راگه‌هاند ژى بنگه‌هێ لالش ئه‌رشيفه‌كى تايبه‌ت ل دۆر كاره‌ساتا شنگالێ هه‌يه يێ دكيۆمێنتكرى يه ب وێنه و فيديۆيێ،هه‌روه‌سا داخواز ژ شاندێ ناڤبرى كر پشته‌ڤانيا ئاواره‌يێن شنگالێ مادى و مه‌عنه‌وى بكه‌ن،ئه‌و ژى ب پێشكێشكرنا پرۆژه‌يان كو ته‌خا گه‌نجان مفايى ژێ ببينن و ده‌ليڤێن كارى بۆ وان دابين بكه‌ن.
