دكۆنگره‌يێ رويترز دا ئێزديان پێنج داخوازى پێشكێشكرن
ئێزديخان نيوز:
ب به‌رهه‌ڤبوونا پترى 600كه‌سايه‌تيێن گرنگيێ ب مافێ ژنێ دده‌ن،كۆنگره‌يێ رويترز ل له‌نده‌نێ پايته‌ختێ به‌ريتانيا ب رێڤه‌چوو.
دڤێ كۆنگره‌يى دا ئێك ژ دامه‌زرێنه‌ر و سه‌رۆكێ جڤاتا كارگێريا رێكخراوا يه‌زدا به‌شدارببوو،هه‌ر دكۆنگره‌يى دا په‌يڤه‌ك پێشكێشكر و تێدا به‌حسێ بارودۆخ و ره‌وشا ئێزديان ب گشتى كر.
موراد ئسمايل دداخويانيه‌كێ دا بۆ مالپه‌رێ ئێزديخان نيوز گۆت:دڤى كۆنگره‌يى دا من دووپات ل چه‌ند خالێن گرنگ يێن گرێدايى ره‌وشا ئيرۆيا ئێزديان كرن.
1.شرۆڤه‌كرنا بارودۆخێ ئێزديان و ئه‌نجامێن كۆمكوژيێ و بارێ ده‌روونى و مرۆڤايه‌تى و ئابوورى يێ ئێزديان.
2.گرنگيا ڤه‌كرنا كه‌يسا جينۆسايدێ و برنا داعشێ بۆ دادپه‌روه‌ريێ،هاريكاريكرنا يه‌زدا بۆ هنارتنا شاره‌زايێن ده‌ولى بۆ دكيۆمێنتكرنا گۆرێن ب كۆم.
3.پێدڤيا هێزێن ده‌ولى بۆ ده‌ست تێوه‌ردانێ و داوى ئينانا ململانێ و دابينكرنا پاراستنێ.
4.ئه‌ركێ ده‌وله‌تا چاڤێن خۆ ل به‌رامبه‌ر كۆمكوژييا ئێزديان نه‌گرن و هاريكاريا ئێزديان و كێمينه‌يان ل هه‌موو بواران دا و ب تايبه‌ت ژنا ئێزدى ئه‌وا بوويا قوربانيا ئێكێ يا ڤێ كۆمكوژيێ.
5.ڤه‌كرنا بنگه‌هێن پێگه‌هاندنێ و خزمه‌تان و فێركرنێ ل كه‌مپان بۆ هاريكاريكرنا جڤاكێ ئێزدى ب گشتى و ب تايبه‌ت رزگاربوويان.
6.به‌حسكرنا كارێ يه‌زدا وبه‌رنامه‌يێ وێ ل سالا بۆرى دا.
