ب هه‌لكه‌فتا رزگاركرنا شنگالێ خه‌لاتێ رێزلێنانێ پێ هاته به‌خشين
ئێزديخان نيوز:
ب هه‌لكه‌فتا سه‌ركه‌فتنا ئۆپراسيۆنا رزگاركرنا شنگالێ ب سه‌رپه‌رشتيا راسته‌وخۆيا سه‌رۆكێ هه‌رێما كوردستانێ،لقێ 20شێخان يێ پارتى ديموكراتى كوردستان ب هه‌ڤكارى دگه‌ل سه‌نته‌رێ عيراقێ بۆ ئازاديا رۆژنامه‌گه‌رى،ئيرۆ 18/11/2015و ل ده‌مژمێر 10سبه‌يكێ ل هۆلا په‌روه‌ردا شێخان خه‌لاتێ رێزلێنانێ ب هژماره‌كا رۆژنامه‌ڤانان به‌خشى.
راگه‌هاندنا لقێ 20شێخان يێ پارتى ديموكراتى كوردستان راگه‌هاند، ب ئاماده‌بوونا(عه‌لى عه‌ونى)به‌رپرسێ لقێ 20و (ئيسماعيل مسته‌فا)قايممقامێ قه‌زا شێخان و كارگێريا لقا بيست و ژماره‌يه‌كا رێڤه‌به‌ر و فه‌رمانبه‌رێن دام و ده‌زگه‌هێن ميرى و حزبى و ئێكه‌تيێن جه‌ماوه‌رى و پيشه‌ى و مامۆستايێن ئاينى،ب
هه‌لكه‌فتا سه‌ركه‌فتنا ئۆپراسيۆنا رزگاركرنا شنگالێ ب سه‌رپه‌رشتيا
راسته‌وخۆيا سه‌رۆكێ هه‌رێما كوردستانێ،لقێ 20شێخان يێ پارتى ديموكراتى
كوردستان ب هه‌ڤكارى دگه‌ل سه‌نته‌رێ عيراقێ بۆ ئازاديا رۆژنامه‌گه‌رى،وه‌ك رێزگرتن بۆ كارێ وان باوه‌رناما رێزلينانێ ب ژماره‌يه‌كا رۆژنامه‌ڤان و رۆژنامه‌گه‌رێن تۆرا كۆمه‌لايه‌تى يا فه‌يسبۆكى هاته به‌خشين.
دپه‌يڤه‌كێ دا به‌رپرسێ لقێ بيست ئاشكه‌راكر،دڤێت رۆژنامه‌ڤان په‌ياما خۆ ب راست و دروست بگه‌هينت تايبه‌تى دناڤ هێزێن پێشمه‌رگه‌ى دا ل به‌رۆكێن شه‌رى ب روحه‌كا كوردايه‌تى و ب ئه‌ركه‌كێ نه‌ته‌وه‌ى ب كارێ خۆ رابن،دئۆپراسيۆنا رزگاركرنا شنگالێ دا ده‌زگه‌هێن راگه‌هاندنێ رۆله‌كى كاريگه‌ر هه‌بوويه.
هه‌روه‌سا دووپاتكر دوه‌لاتى دا راگه‌هاندن ده‌ستهه‌لاتا چارێ يه و دڤێت باش بزانن شێوه‌يێ راگه‌هاندنێ چاوايه و به‌ژدارى خۆلێن جۆرا و جۆر بن،ده‌ست خۆشى ل ده‌ست پێشخه‌رێن ڤى كارى كر و داخوازا سه‌ركه‌فتنێ بۆ خواست.
رۆژنامه‌ڤانێن هاتينه خه‌لاتكرن خۆشحاليا خۆ ده‌ربرين ب ڤى خه‌لاتى و سوپاسيا لقێ بيست و ئاماده‌بوويان كرن،سۆزدان ژى ب به‌رده‌وامى ئه‌ركێ خۆ بجه بينن و په‌ياما راسته‌قينه بگه‌هينن.
