التخطي إلى المحتوى الرئيسي
بحث هذه المدونة الإلكترونية
ڤيان ده‌خيل:رزگاركرنا ره‌ڤاندييان ته‌مامكه‌را ئازادكرنا شنگالێ يه
ئێزديخان نيوز:
ڤيان ده‌خيل په‌رله‌مانتارا كوردا ئێزدى ل ئه‌نجومه‌نێ نونه‌رێن عيراقێ،دبه‌ياننامه‌يه‌كێ دا راگه‌هاند،داخوازێ ژ هه‌موو ئاليان دكه‌ين هه‌ولێن خۆ بێخنه كار بۆ رزگاركرنا ره‌ڤانديێن مه ب زووترين ده‌م و ڤه‌گه‌رينه كه‌س و كارێن وان،رزگاركرنا ره‌ڤاندييان ته‌مامكه‌را ئازادكرنا شنگالێ يه.
ده‌قێ به‌ياننامه‌يێ:
بانگه‌واز ژ حكومه‌تا ئتيحادى و حكومه‌تا هه‌رێما كوردستانێ دكه‌ين تيمێن تايبه‌تمه‌ند بهنێرن بۆ ئاشكه‌راكرنا گۆرێن ب كۆم دبت گه‌له‌ك ل ده‌وروبه‌رێن شنگالێ و ناڤ دا هه‌بن،دگه‌ل هندێ له‌ز بێته كرن بۆ هنارتنا كه‌ره‌سته‌يێن خوارنێ بۆ ئاواره‌يێن ل چيايێ شنگالێ،دگه‌ل دانانا پلانه‌كا فه‌ر بۆ دووباره ئاڤاكرنا ژێرخانه‌يێ ل سه‌نته‌رێ شنگالێ و كۆمه‌لگه‌هێن گرێدايى پێڤه،ديسان گرنگيا پێكئينانا لژنه‌يێن تايبه‌تمه‌ند بۆ چێكرنا ئاماران لسه‌ر زيانان ژپێخه‌مه‌ت قه‌ره‌بووكرنا زيانپێكه‌فتيان.
بانگه‌وازيێ ژ هه‌موو ئاليان ل شنگالێ دكه‌ين دبێنفره بن و نه‌هێلێن چوو كارێن تۆلڤه‌كرنێ چێبن،دووپات دكه‌ين گرتنا مه سه‌روه‌ريا ياسايێ يه و ئه‌وێن تاوانێن كريارێن تيرۆرستى ل دژى خه‌لكێ مه‌يێ شنگالێ ئه‌نجامداين دێ گه‌هنه سزايێ خۆ.
نڤيسينگه‌ها راگه‌هاندنا په‌رله‌مانتار ڤيان ده‌خيل
