التخطي إلى المحتوى الرئيسي
بحث هذه المدونة الإلكترونية
ئادام دينگ بۆ ئێزديان:سۆزێ دده‌م مافێن وه ب ده‌ست ڤه بينم
ئێزديخان نيوز:
نونه‌رێ ئه‌ميندارێ گشتيێ نه‌ته‌وه‌يێن ئێكگرتى بۆ كاروبارێن كۆمكوژيێن ب كۆم سه‌ره‌دانا په‌رستگه‌ها پيرۆزا لالش كر،ژبال نونه‌رێ ميرێ ئێزديان و چه‌ند كه‌سايه‌تيێن دى يێن ئێزديان هاته پێشوازيكرن.
راگه‌هاندنا بنگه‌هێ لالش دياركر،ل رێككه‌فتى5/11/2015(ئادام دينگ)نونه‌رێ ئه‌ميندارێ گشتيێ نه‌ته‌وه‌يێن ئێكگرتى بۆ كاروبارێن كۆمكوژيێن ب كۆم سه‌ره‌دانا په‌رستگه‌ها پيرۆزا لالش كر،دكۆمبونه‌كێ دا نونه‌رێ ميرێ ئێزديان و بابا شێخ ره‌وشا ئێزديان شرۆڤه‌كرن.
دته‌وه‌ره‌كى دى يێ كۆمبوونێ دا(شێخ شامۆ)ئه‌ندامێ په‌رله‌مانێ كوردستانێ و سه‌رۆكێ ده‌سته‌يا بلندا بنگه‌هێ لالش ره‌وش و سه‌رهاتى و ده‌رد و داخوازيێن ئێزديان گه‌هاندنه ئادام دينگ و ژێ خواست ب جدى كاربكه‌ن و فشارێ بێخنه سه‌ر دام و ده‌زگه‌هێن نێڤ ده‌وله‌تى ژبۆ ب جينۆسايد ناساندنا كه‌يسا كاره‌ساتا شنگالێ.
شێخ شامۆ ژ ناڤبرى خواست هاريكاريێن مرۆڤايه‌تى پێشكێشى ئاواره‌يان بكه‌ن پشتى رزگاركرنا شنگالێ و داخوازكر پێكهاته و كه‌مينه‌يێن عيراقێ بێنه پاراستن ب تايبه‌ت كوردێن ئێزدى،چنكو باوه‌رى شكه‌ستيه و ترس كه‌فتيه هناڤێ خه‌لكى ژبه‌ر ڤان روودانێن ڤێ داويێ.
ئه‌ندامێ په‌رله‌مانێ كوردستانێ چه‌ند پرسگرێك و داخوازيێن دى يێن ئێزديان ژى گه‌هاندنه نونه‌رێ ئه‌ميندارێ گشتيێ نه‌ته‌وه‌يێن ئێكگرتى.
ئادام دينگ،نونه‌رێ ئه‌ميندارێ گشتيێ نه‌ته‌وه‌يێن ئێكگرتى لسه‌ر داخوازيێن ئێزديان گۆت:سۆزێ دده‌م ل گشت محافلێت نێڤ ده‌وله‌تى ببم پارێزه‌ره‌كى چالاك بۆ ب ده‌ست ڤه‌ئينانا مافێ وه و هه‌موو پێكهاته‌يێن عيراقێ و ئه‌ڤ پێشنيار و بۆچۆنێت وه ب ئه‌مانه‌ت دێ دراپۆرتا خۆ دا پێشكێشى سكرتێرێ گشتيێ unكه‌م و ب رێيا نڤيسينگه‌ها وى دێ گه‌هينمه جڤاتا ئاسايشێ.
