التخطي إلى المحتوى الرئيسي
بحث هذه المدونة الإلكترونية
شێخ شامۆ داخوازێ ژ خه‌لكى دكه‌ت دگه‌ل هێزێن پێشمه‌رگه‌ى دهاريكاربن
ئێزديخان نيوز:
دبه‌ياننامه‌يه‌كێ دا هه‌ر ئێك ژ قايممقامێ شنگالێ و جڤاتا قه‌زا شنگالێ و تايێن بنگه‌هێ لالش،داخواز ژ په‌كه‌كێ كرن خۆ ژ ده‌ڤه‌ران شنگال ڤه‌كێشن.
راگه‌هاندنا بنگه‌هێ لالش ئاشكه‌راكر،درێورسمێن راده‌ستكرن و وه‌رگرتنا پۆستێ قايممقام شنگال،قايممقامێ نوو(مه‌حما خه‌ليل) و جڤاتا قه‌زا شنگال و تايێن بنگه‌هێ لالش ب به‌يانامه‌يه‌كێ داخواز ژ په‌كه‌كێ كرن خۆ ژ ده‌ڤه‌را شنگالێ ڤه‌كێشن.
هه‌ر دڤێ به‌يانناما هه‌رسێ ده‌زگه‌هان دا سوپاسيا په‌كه‌كێ كرن بۆ وێ هاريكاريا پێشكێشى خه‌لكێ شنگالێ كرين ل رۆژێن ده‌ست پێكێ يێن كاره‌ساتێ ،هه‌ڤده‌م ژى داخواز ژێ كرن ئه‌ردێ شنگالێ به‌رده‌ن،دووپاتكرن ژى ئه‌وا په‌كه‌كێ كرى ئه‌ركه‌كى نشتيمانى بوو.
شێخ شامۆ،ئه‌ندامێ په‌رله‌مانێ كوردستانێ و سه‌رۆكێ ده‌سته‌يا بلندا بنگه‌هێ لالش،رۆلێ(مه‌يسه‌ر صالح)قايممقامێ به‌رێ يێ شنگالێ بلند نرخاند و پيرۆزباهى ل (مه‌حما خه‌ليل) كر بۆ وه‌رگرتنا پۆستێ نوو،داخواز ژ خه‌لكێ ده‌ڤه‌رێ كر دگه‌ل پێشمه‌رگه‌ى دهاريكاربن بۆ رزگاركرنا ده‌ڤه‌رێ ب ته‌مامى.
شێخ شامۆ بۆ تۆرا لالش يا راگه‌هاندنێ گۆت:سوپاسيا سه‌رۆك بارزانى دكه‌ين بۆ سه‌رپه‌رشتيا وى يا راسته‌وخۆ لسه‌ر به‌ره‌يێ رۆژئاڤايێ ديجله.
