التخطي إلى المحتوى الرئيسي
بحث هذه المدونة الإلكترونية
بزانه چى گۆتيه،په‌رله‌مانتاره‌كى ئه‌لمانى نامه‌يه‌كێ بۆ سه‌ماحه‌تا بابا شێخ دهنێرت
ئێزديخان نيوز:
په‌رله‌مانتاره‌كى ويلايه‌تا براندن بۆرك يا ئه‌لمانى نامه‌يه‌كێ بۆ سه‌رۆكێ جڤاتا رۆحانيا ئێزديان دهنێرت،ئاماژه‌كريه ب هه‌لكه‌فتا رزگاركرنا شنگالێ پيرۆزباهيان ل وه دكه‌م و كه‌يف خۆشم ب وه و پێشمه‌رگه‌ى كو به‌ره‌ڤانى ژ ئازادى و ژيانا خێزانێن خۆكريه.
كه‌سايه‌تيێ ئێزدى(زيدۆ باعه‌درى)ب مالپه‌رێ ئێزديخان نيوز راگه‌هاند و گۆت:ل رێككه‌فتى 19/11/2015په‌رله‌مانتارێ ويلايه‌تا براندن بۆرك يا ئه‌لمانى ( ديتر دومروفسك)نامه‌يه‌ك بۆسه‌ماحه‌تا(بابا شێخ)سه‌رۆكێ جڤاتا رۆحانيا ئێزديان هنارتيه و دنامه‌يا خۆ دا گۆتيه،ئه‌ز هه‌موو رۆژا هزرا وه ئێزديان دكه‌م و بۆ هه‌موو ئێزديان باشترين ره‌وش دخوازم،به‌رى هه‌ر تشته‌كى هيڤيدارم ژ وه باش پێشوازيێ ل وان ژن و زه‌لام و زارۆكان بكه‌ن يێن ژلايێ تيرۆرستان ڤه هاتينه ره‌ڤاندن.
هه‌ر دنامه‌يا خۆ دا دايه دياركرن ئه‌ز يێ كه‌يف خۆشم ب وه و پێشمه‌رگه‌ى،چنكو وه به‌ره‌ڤانى ژ ئازادى و ژيانا خێزانێن خۆكريه،ل ڤێده‌رێ من دڤێت پيرۆزباهيان ل وه بكه‌م،ب هه‌لكه‌فتا رزگاركرنا شنگالێ،پێدڤيه هون بزانن هون نه بتنێ نه و هون هه‌رده‌م دناڤ ناخێ مه دانه.
