ل شاريا كار بۆ ب ده‌ست ڤه ئينانا مافێن كێمينه‌يان ل كوردستانێ هاته كرن
ئێزديخان نيوز:
ب
پشكدارييا چه‌ند كه‌سانێن پسپۆر و شاره‌زا دبوارێ ياسا و مافى دا،بنگه‌هێ
لالش تايێ شاريا ب هه‌ڤكارى دگه‌ل رێكخراوا مه‌سه‌له و ئه‌م هه‌موو
هاونشتيمانينه،ۆركشۆپه‌كا دوو رۆژى ل دۆر ياسايا پاراستنا مافێن
كێمينه‌يان ل هه‌رێما كوردستانێ ل هۆلا لالش 1 سازدان.
جه‌لال
له‌زگين،به‌رپرسێ بنگه‌هێ لالش ل شاريا بۆ مالپه‌رێ ئێزديخان نيوز گۆت
ئه‌ڤ ياسايه ل هه‌يڤا پێنج وب بريارا ژمارا پێنج هاتيه ده‌رێخستن و ژ
ئاليێ سه‌رۆكاتيا هه‌رێما كوردستانێ ڤه ل هه‌يڤا شه‌ش هاتيه واژۆكرن و ل
واقعێ كوردستانێ هاتيه به‌لاڤكرن ،مه ب فه‌رديت ژنێزك ڤه ڤێ ياسايێ بۆ
خه‌لكێ خۆ بده‌ينه نياسين و چه‌ندين كه‌سانێن پسپۆر و شاره‌زا دبوارێ ياسا
و مافى دا پشكداربكه‌ين،بۆ وێ چه‌ندێ ئه‌م بزانن مافێ مه چينه و
ئالياتێن پاراستنا مافێن مه ل هه‌رێما كوردستانێ دا بێنه به‌رچاڤ و ئه‌م
دانن ژبۆ كو ئه‌م ڤان مافان ده‌سته‌به‌ركه‌ن و ده‌ست ڤه بينن.
به‌رپرسێ
بنگه‌هێ لالش دا رۆنكرن ژى تێبينيا مه لسه‌ر ڤێ ياسايێ ئه‌و بوو كو
دده‌مه‌كى دا هاته واژۆكرن هنگى ئێزدى دقۆناغه‌كا گه‌له‌ك دژواردا بوون
لژێر فه‌رمانا تيرۆرستێن داعشێ دا بوون ب تايبه‌ت ل شنگالێ،دوێ باوه‌ريێ
دامه كێمينه‌يێن دى ژى ل هه‌رێما كوردستانێ ژ نێزيك ڤه ئه‌ڤ برياره
نه‌ناسينه ،مه فه‌رديت ئه‌ڤ ڤێ بريارێ دڤان ۆركشۆپان دا شرۆڤه بكه‌ن و
وان مافا هه‌موويان به‌رچاڤ بكه‌ن.
هه‌روه‌سان گۆتژى ئه‌ڤ ۆركشۆپه بۆ ماوێ دوو رۆژان يه به‌رده‌وام بوو،10كه‌سانێن پسپۆر و شاره‌زا دبوارێ ياسا و مافى دا تێدا پشكداربوون.
