التخطي إلى المحتوى الرئيسي
البحث
بحث هذه المدونة الإلكترونية
كونسلێ فه‌ره‌نسا:مه ئنيه‌ت بوو ئاهنگا بۆ رزگاركرنا شنگالێ بگێرن
ئێزديخان نيوز:نێچيرڤان شێخ شامۆ
ئيرۆ رۆژا سێ شه‌مبوويێ 17/11/2015،شانده‌كى ئێزديان سه‌ره‌دانا كۆنسلخانه‌يا فه‌ره‌نسا ل هه‌ولێرێ كر،سه‌رساخى و هه‌ڤخه‌ميا كوردێن ئێزدى ژبۆ گه‌لێ فه‌ره‌نسا،گه‌هاندنه كونسلێ فه‌ره‌نسى.
شاندێ ئێزديان ژ(حازم ته‌حسين به‌گ)جێگرێ ميرێ ئێزديان و (شێخ شامۆ)ئه‌ندامێ په‌رله‌مانێ كوردستانێ و سه‌رۆكێ ده‌سته‌يا بلندا بنگه‌هێ ودگه‌ل ئه‌ندام شيره‌تكارێن جڤاتا رۆحانيا ئێزديان پێك هاتبوو،ژبال كونسلێ فه‌ره‌نسى ل هه‌ولێرێ پێشوازى لێ هاته كرن.
درونشتنه‌كێ دا شاندێ ئێزديان داخواز ژ وه‌لاتێ فه‌ره‌نسا كرن كو هه‌ولێن خۆ و هه‌ڤپه‌يمانان چرتر بكه‌ن،بۆ ژناڤبرنا تيرۆرستێن داعشێ،كۆنسلێ فه‌ره‌نسا ژى ب شاندى راگه‌هاند ئه‌گه‌ر نه ژ روودانێن وه‌لاتێ مه با،مه ئنيه‌ت بوو ئاهنگا بۆ رزگاركرنا شنگالێ بگێرن.
دته‌وه‌ره‌كى دى يێ ڤێ رونشتنێ دا به‌حسێ كاره‌ساتا شنگال و ب جينۆسايد ناسكرنا كاره‌ساتێ و ئێخسيرێن دده‌ستێ داعشێ دا و رزگاركرنا شنگال و ئاڤاكرنا وێ كرن.
ژلايه‌كى ديڤه (شێخ شامۆ)ئه‌ندامێ په‌رله‌مانێ كوردستانێ بۆ كونسلێ فه‌ره‌نسى گۆت: قوربانيێن بوويه‌را فه‌ره‌نسا قوربانيێن مرۆڤايه‌تيێ نه دژى شه‌رخواز و تيرۆرستا،له‌وما ئه‌م ب قوربانيێن خۆ دزانن ودوژمنێ مه ئێكه.
