به‌حسێ كاره‌ساتا شنگالێ نه‌كر،ڤيان ده‌خيل ره‌خنێ ل عه‌بادى دگرت
ئێزديخان نيوز:
پشتى كو سه‌رۆك وه‌زيرێن عيراقێ حه‌يده‌ر عه‌بادى دگۆتارا خۆ دا ل نيويۆركێ ل جڤاتا ئاسايشا نێڤ ده‌وله‌تى دا،كاره‌ساتا شنگالێ پشتگۆئێخستى و به‌حسێ وێ چه‌ندا ب سه‌رێ كێمينه‌يێن عيراقێ ب گشتى و ئێزديان ب تايبه‌تى هاتى نه‌كرى،ڤيان ده‌خيل په‌رله‌مانتارا ئێزدى ل په‌رله‌مانێ عيراقێ ره‌خنه ل عه‌بادى گرت.
ڤيان ده‌خيل،په‌رله‌مانتارا ئێزدى سه‌ر ب ليستا هه‌ڤپه‌يمانيا كوردستانى ل ئه‌نجومه‌نێ نونه‌رێن عيراقێ دبه‌ياننامه‌يه‌كێ دا راگه‌هاند،ل جڤاتا ئاسايشا نێڤ ده‌وله‌تى سه‌رۆك وه‌زيرێن عيراقێ حه‌يده‌ر عه‌بادى دگۆتارا خۆ دا ئاماژه ب وێ كاره‌ساتا ب تايبه‌تى ب سه‌رێ ئێزديان هاتى نه‌كر كو ئێزدى تووشى كوشتن و ره‌ڤاندن و پێشلكارييان و وێرانكرنێ ژ لايێ تيرۆرستێن داعشێ بووينه،به‌حسنه‌كرنا كاره‌ساتا ئێزديان ژلايێ عه‌بادى ڤه ل هه‌موو گۆتار و ناڤه‌ندێن نێڤ ده‌وله‌تى دا ب كاره‌كى نه چاڤه‌رێكرى دزانم،ديسان ئه‌ڤا ب سه‌رێ خه‌لكێ مه هاتى كۆمكوژييه‌كا ب كۆمه.
دبه‌يانناما خۆ دا ده‌خيل داخواز ژ عه‌بادى كريه دگۆتارێن خۆ دا بتر يێ گه‌شتر بتن و نزانين وى ژبيركريه كو سێ هه‌زار كچ و ژنێن ئێزديان دره‌ڤاندينه.
